【零食精】4招戒口痕

零食們花多眼亂，少啲定力都會俾佢吸走。

老細捽數，忍；同事A字膊，忍；尊貴的客戶反口再反口，忍……甚麼都可以忍，唯獨零食的誘惑，忍不得。人在辦公室，得唔得閒都打開抽屜，瞄一瞄有咩東東可以放入口；或同事突然奉上至愛，殺人一個措「口」不及，點忍？

零食，食得多壞肚皮的道理就不贅述了，如何忍口食少啲，才是重點。對付口痕，不妨參考以下4式，對症下藥︰

第1式︰死忍期
- 情景︰咩都放入口
- 徵狀︰來者不拒，上至一塊cake，下至一啖糖，只要有得食就得，「口痕」大過「填肚」。
- 招數︰一個字——「忍」。清楚自己的減肥目標，堅持一段時間，過了「死忍期」，就會習慣成自然。

第2式︰斬腳趾
- 情景2︰大量存貨的魔力
- 特徵︰時不時有入貨的衝動，對零食「減價」、「最後今天」、「xx蚊兩件」等字眼免疫力奇低，將辦公室座位變成零食貨倉。
- 招數︰除了強迫自己「唔好買」之外，入貨前亦應列出清單，買完就走，以免長時間逗留在超市等地。

第3式︰向零食說不
- 情景3︰Yes Man上身
- 特徵︰受身邊人影響，人食你又食的情況一味出現，甚至因不懂拒絕別人的好意而「係咁食係咁食」。
- 招數︰要懂得向零食說「不」，並公告天下「減零大計」正在進行，禁止零食進入視線範圍內。

第4式︰尋找替代品
- 情景4︰真正肚餓來臨
- 特徵︰口痕有很多原因，包括正餐「食唔飽」。這時候，零食自然成為「必需品」，愈食愈多，脂肪隨之而來。
- 招數︰正餐7分飽是常識吧！至於在心癮未除情況下，建議以健康小食取代，分散注意力。（詳情按10大熱選工作間零食）

延伸閱讀︰
- 【Dry爆】10招保濕︰明知又唔做？

- 【識食】大閘蟹8大宜忌

- 【不認命】8招擺脫勞碌命

- 【中伏】10大咖啡癮職業（送養生飲）

- 8號風球焗返工10大行業

上載日期︰2014年10月21日