comScoreTag
FancyBox
FancyBox

人際八卦

非女神是如何在職場立足的?


賈心潔



not a goddess
當剛烈事業女遇上扮可憐女神,會有甚麼下場?

「你喊呀?你唔係真係喊呀嘛?」我扮女神向朋友K發了個「嗚嗚T_T」的信息。(利申︰K不是兵,而係麻甩起來麻甩過麻甩佬的麻甩中女。其實,心水清的看到「你唔係真係喊呀嘛」這一句,就知道她無可能是男人了。)「慘慘」我繼續無內容地磨蹭著。

「想點呀你,夠喇。」麻甩K被惹毛了,繼續說下去的話,不是爆粗,就是完全無視我。

「嘻,係咪似呀?」我沾沾自喜,辦公時間對住電腦螢幕笑笑笑,求神拜佛千萬不要給人看見——女神絕對不會做此低等白癡事。「我唔睬你呀」我還未肯收手。的確,小妹是在工作上受了點小委屈,但誰人沒有呢?況且這樣角色扮演一下,心理質素眨眨眼就調整到正常水平。

在辦公室飲泣流淚,我見猶憐噢!「哎呀,俾老細鬧到喊呀慘慘豬……」「同事ABC有無搞錯,大家做嘢啫,使唔使鬧人呀!」「你已經好叻架喇,我撐你!」「你要唔要請半日假返屋企休息下?啲嘢交俾我啦。」這樣,女神就可以公然擺出一個弱者的勝利姿態。

現。實。不。是。這。樣。的。

今時今日的辦公室,除了個別「男人」工種之外,女多男少幾乎是職場常態。而當剛烈事業女遇上扮可憐女神,會有甚麼下場?

下場別提了,重點是從根本斷絕這種「下場」發生的任何條件——不要在辦公室範圍內痛哭。為公事喊,沒必要︰

- 「人地鬧咪由佢囉,我一味笑笑笑。」
- 「佢嬲佢嘅事,自己盡咗力做,無愧於心。」
- 「唔可以俾佢地奸計得逞,對人破口大罵嗰啲,唔係想發洩,就係要羞辱人地,你偏唔當係一件事,佢奈你唔何。」
- 「唔理佢,唔係搞對抗,只係求生。」
- 「如果佢要鬧,係假設要我用喊嚟回應,唔好黐線啦。」
- 「喊有鬼用咩,留番啲彈藥再搏殺好過啦。」

至於為私事在辦公室喊,咪玩啦!

開心笑,傷心喊,人之常情。不過,喊要看環境場合。若淪落到要以「扮喊」作為達到某些目的的某種手段,出手未免低得太難看了吧。現實職場不是女神的堡壘,而地球是很危險的。

延伸閱讀︰

- 箭靶的修養︰「無事道」

- 生存之道,你懂的!

- 年度翻炒︰回顧與展望

- 你點知人地唔鍾意你?

- 擔心連阿媽也養不起

上載日期︰2014年1月24日


讚好 CTgoodjobs 專頁,獲取更多求職資訊!

以上內容及資料僅屬個別作者的個人意見,並不代表www.CTgoodjobs.hk的立場。CTgoodjobs對因以上人士張貼之資訊內容所帶來之損失或損害概不負責。

Free Subscription

Email