comScoreTag
FancyBox
FancyBox

見工面試

面試妙答(13)︰理想工作係乜?


CTgoodjobs編輯部



搵工, 面試, 求職, 見工, HR, interview

若求職者只談「理想」而無實質價值或貢獻,就分分鐘連鹹魚都無啖好食。

老套都要講句︰「做人要有理想,做人一定要有理想,否則同條鹹魚無咩大分別。」然而,理想歸理想,總不能當飯食。尤其是去搵工面試,若求職者只談「理想」而無實質價值或貢獻,就分分鐘連鹹魚都無啖好食。

Interview被問到「理想工作係乜」,求職者不外乎Sell 3件事︰技能、興趣和價值觀。

「理想工作」點答好?
開首:煲技能
有夢想笨唔係大晒的,搵工面試始終要「老闆為本」(Boss-oriented)。作答時,求職者宜重點推銷與應徵職位相關的專業技能,強調自己期望學以致用,並展現出積極進修增值的上進心。

靚答示範:「正如剛才自我介紹所講,我有2年從事數碼營銷嘅經驗,熟悉xxx、yyy等範疇嘅工作。貴公司係行業嘅龍頭大企,我好希望能夠成為你地其中一份子,一方面提升自己,另一方面同你地並肩作戰……(舉例說明)」

中段:講興趣
興趣分好多種,求職者與其一味死煲非洲鼓、跆拳道等「好開心」的興趣,倒不如從宏觀角度出發,策略性與面試官分享對行業的熱情,以及與工作有關的興趣。

靚答示範:「自從第一次接觸xxx後,我就對呢行好有興趣,一直都有留意住行內嘅最新發展,就好似最近新興嘅zzz咁,我認為……(自行執生,言之成理即可)。至於工作內容方面,我比較傾向於參與涉及xxx同yyy嘅項目,因為……(舉例繼續吹)」

埋尾:Sell價值觀
招聘面試,無他,僱主和HR主要想看看與求職者夾唔夾得來。所謂「夾唔夾」,全然是價值觀的事。而「理想」和價值觀更關係密切——你的理想如何,你的價值觀亦必如何。因此,求職者回答關於「理想」的問題,建議精選2項與應徵公司價值觀一致的項目或例子,再闡述個人職涯規劃,更重要是強調能為應徵公司帶來正面價值。(特別一提,價值觀沒得勉強!千萬別為求見成份工而扭曲自己!!)

靚答示範:「我期望喺xxx範疇有多啲發揮空間同參與度,咁正同貴公司xxx嘅企業文化同理念不謀而合。我嚟申請呢個職位,既為自己實現夢想,亦好希望可以為貴公司(或行業)注入一啲新動力……」

延伸閱讀︰
-【搵工懶人包】100款CV即時下載

-【淆底不如打底】行為面試常問20題

- 面試妙答(12)︰有無in其他公司?

-【搵工面試】50常問總覽(+妙答方)

-【天才波】「擘大個口得個窿」面試十問

上載日期︰2015年6月17日


讚好 CTgoodjobs 專頁,獲取更多求職資訊!

以上文章由www.CTgoodjobs.hk編寫,文章版權屬CTgoodjobs所有。任何人士或機構如欲刊登有關文章於其他網站或刊物,都必須要以書面方式獲得批准,詳細情形請電郵至editor@CTgoodjobs.hk查詢。CTgoodjobs對一切侵犯版權行為保留追究權。

Free Subscription

Email