面試6大「例牌」問題 其實HR想知的是……

面試6大「例牌」問題 其實HR想知的是……
CTgoodjobs 編輯部
不少求職者見工或面試後的感想都是 — 「咪又係問埋晒啲Standard例牌問題!」然而,其實問題愈Standard、愈「例牌」,在HR心中就愈有一個「想要的」答案,求職者絕不能掉以輕心。若要出奇制勝,讓HR或面試官留下深刻印象,關鍵在於找出問題的底蘊,不只要「答得到」,還要「答得好」!

6大「例牌」問題HR其實想知……
1/ 「假如我地畀$300萬Budget你去宣傳xx產品或服務,你會點做?」

- HR想知︰求職者的策劃能力
- 點答?答一個「Whole Picture」,要的是一個計劃,而不是某方面的細節。

2/ 「如果將你縮細到好似支鉛筆咁細,然後放你入去部開著嘅攪拌機裡面,你會點?」
- HR想知︰求職者的解難能力
- 點答?逐步逐步拆解,最好預備幾個方案,假如Plan A失敗,改行Plan B,顯示出你可以隨機應變。

3/ 「你認為我地點解要請你?」

- HR想知︰求職者的自信心
- 點答?不卑不亢,盡數優點,同時帶出1個至2個有待改進的地方,並表現出肯學肯改的態度。

4/ 「你最近睇過咩書/電影/ 展覽?」
- HR想知︰求職者是否好學或具好奇心
- 點答?分享有趣的部分,以及延伸意義。若興趣不在於看書或看電影,不妨分享其他興趣,例如答︰「我好少睇戲,不過好鍾意xxx,如果你唔介意,我想分享一下……」一樣可以搶分。

5/ 「介唔介意話畀我知你過往嘅辭職原因?」
- HR想知︰求職者是否認真對待工作
- 點答?回答時保持微笑從容,一派「知道自己做緊咩」的模樣;並集中分析如何將有關經驗運用到新工作上。

6/ 「你遇過最衰嘅老闆或上司係點?」
- HR想知︰求職者能否從過往經驗或錯誤中學習
- 點答?此問題有「Tricky」成分,千萬別狂數舊老闆或前上司的不是,回答重點在於「事」而不在「人」;最緊要強調箇中得著與體會,以及改善方法。
Look out for further updates on our Facebook fan page!

Related Articles

More