【辭職學問】辭職應唔應該講真正原因?定係話私人理由?

新世代已經很少人會一份工作做到老,人生少不免會面對好幾次辭職的情況。可是,辭職時與上司對談,是否應該講及真正的辭職原因呢?還是一句「私人理由」就此帶過就算?

有網民在討論區Dcard上分享自己是次的辭職情況,因為工作了好幾年,希望有一個喘息的機會,但平日工作其實不太大壓力,所以他實在想不到一個得體的辭職理由,「作為一個辭職老手,今次遇到難題……先講講以前辭職嘅原因,分別做咗大約3個月至年半到:1. 份工唔啱做 ,本身間公司就九成人做唔長;2.趁後生想出去見識多啲;3. 返工時間唔啱,返6日;4. 有新offer。」

延伸閱讀:【另類職人】街巿出身空姐轉行開凍肉鋪 無暇因公司倒閉而失落:要向前行生活!

相信以上的原因,大家都一定試過吧?不過事主的情況有點不同,他續道:「咁依家份工就以上原因都唔適用嘅,依家想辭職嘅真正原因如下:因為睇唔到呢份工有咩前途,所以我出咗去考政府工,當係畀條後路自己,依家入咗waiting list,查咗分應該會有正式offer,但未知係幾時,有機會要等成年,亦可能兩三個月後就有得入職。」

「我想要啲時間思考係咪真係要入去做,始終依家呢個時勢都會有好多嘢要考慮,但同時間我心入面會覺得,既然都無打算離開香港,就不如跟住個社會走,等年年加人工算啦 。」

 

即睇事主分享及其他網民回應:﹙按圖了解﹚

事主:「依家我嘅諗法係我想學多啲唔同嘅嘢,睇吓會唔會有機會往第二個方向發展。」

事主:「講真份工人工唔多,但我暫時都真係未搵到有咩方向適合發展,咁萬一到最後都真係搵唔到,咁我唯有認命年年等跳point;」

事主:「其實兩份工我都唔太鐘意,但如果我繼續喺私人公司做,應該成世人工都過唔到兩萬。」

事主:「咁依家我就諗緊辭職應該點同老闆講,因為覺得啲理由好似不成理由咁,我暫時諗到可以咁講:」

事主:「 1. 照直講,但問題係,我依家份工其實好得閒,有時係可以全日都無嘢做,喺咁嘅狀況下,仲話想唞吓,係咪好難令人信服?」

事主:「但就算真係無嘢做,每日返工已經occupy咗大半日嘅時間,放工得返幾個鐘,都唔係好夠時間消化自己嘅想法同興趣。」 

事主:「2. 照直講,但呃佢話已收offer,我唔知我老闆會唔會chur我,叫我講多啲份offer係點。」 

事主:「3. 就咁講私人原因,其實我以前試過,但老闆會chur到我叫我講真正原因。」

事主:「其實心明辭職係唔需要理由,可能我決心未夠大,而且我仲未ready好辭咗職之後嘅計劃,但已大概諗好有咩想做。」

事主:「而同一時間我又覺得,如果我收到offer之後,一定會好後悔當初唔早啲辭職,探索下自己先。」

事主:「我真係唔想咁就一世,咁當然到時放咗工都仲可以搵吓自己嘅發展空間,但就需要用多好多時間……」

網民:「照直講囉,又冇壞嘅。」

網民:「騎牛搵馬,現代社會好正常,人往高處走,水往低處流。你咪搭好晒後路先同老闆講囉,照直講真心唔使太大壓力。」

網民:「你咪話自己想辭職,進修休息吓,唔使講太多,基於基本事實講就OK。」

網民:「我覺得啲老細做咗咁多年,都好清楚唔係三言兩語就留到一個人,所以照直講做咗幾年嘢想唞吓,搵吓新方向都好正常。」

 

切忌說謊
人到達了一定年紀,就會思考自己的人生方向,會感到迷失是少不免的。事主其實可以按自己與上司或老闆的關係良好與否,大約訴說自己的狀況,坦誠相待總比胡亂作一個理由為佳。

有網民都表示:「我覺得啲老細做咗咁多年,都好清楚唔係三言兩語就留到一個人,所以照直講做咗幾年嘢想唞吓,搵吓新方向都好正常。」

不過怎樣都好,別說謊。始終前路未明,你不會知道你是否會走回頭路,凡事留一線,日後好相見。

 

延伸閱讀:【另類職人】街巿出身空姐轉行開凍肉鋪 無暇因公司倒閉而失落:要向前行生活!

延伸閱讀:【另類職人】自小幫家人開雞檔 現以跳舞、演藝為生 Catry:從來冇為街巿出身而自卑!

延伸閱讀:【另類職人】凶宅清潔師見盡凶案現場 血跡未算最驚心 更試過被報夢…

延伸閱讀:【戶外工作】以新聞攝影紀錄歷史 上山下海、更曾中彈 只憑一份使命感

延伸閱讀:【另類職人】劍擊十年 由運動員到社工 轉職感言:兩者最着重同是「溝通」

Look out for further updates on our Facebook fan page!