【網絡熱話】打工仔轉工遭阿媽反對 網民:你返工定佢返工

不少父母都望子成龍,希望子女有薪酬高而工作穩定。作為子女,盡可能都想滿足父母的期望,但事與願違,想找到收入穩定,而自己想要的工作,並非這麼容易,在想要的工作與滿足家人的期望,兩者間如何選擇?

延伸閱讀:【職涯規劃】有咩工啱內向嘅打工仔做?打工仔︰唔識做戲可以點

最近有打工仔在討論區求助,指自己想要轉工,但遭到母親強烈反對,不知道如何是好,而有網民就認為「為何要得到她的同意?」你有是否贊同這種說法呢?

點擊了解更多⏩⏩

1/ 最近我打算轉工,從本身嘅工作,轉去做與教會相關嘅工作。
2/ 點知我阿媽就極力反對我呢個決定,佢認為係無出息,無前途可言。
3/ 佢認為我與其轉工,不如留番喺倉務呢行。
4/ 佢想我繼續做倉務員,仲反對我下去教會相關工作嘅面試
5/ 我阿媽話最好成世喺我現職間公司做,拎埋長期服務獎就好威,完全唔明點解老人家會咁諗。

網民回應:
-想知道答案,你去問你阿媽,唔好問我哋啦,唔好諗住我哋會幫到你。但如果真係想轉工,又覺得呢份工有前途,啱自己嘅話,唔需要理其他人啦,你都已經係成年人啦
-做咩都OK,畀足家用就得
-有機會咪試吓,今日唔知聽日事
-吓,你自己份工,唔可以自己決定咩
-你係咪「裙腳仔」嚟,咩都要問阿媽
-教會你埋到堆就可以安安穩穩,但你辭職出去做就好難轉工
-而家有咩工可以做足一世,有嘅麻煩你話埋畀我知
-你返工定你阿媽返工?點解要得到佢同意?
-要堅持你自己嘅想法
-慢慢你就會體會到教會嘅人事好難搞,當拎人生經驗,再頂唔順先再轉過份工
-乜呢家仲有人咁聽父母話咩?
-你諗清楚先啦,都未見工,諗咁多做咩。做開倉務嘅,咁穩定,咪試吓教會請唔請,唔請大不了咪返去做倉務
-有諗法就去做,後生仔唔怕挑戰新嘢
-你都成咗年,自己揀自己要行咩路啦
-老人家覺得轉工好大件事,你衡量返前景同發展先,如果覺得自己應該轉就做。但要同你媽媽傾吓,討論吓佢擔心啲咩,可能佢諗咗啲你無考慮過嘅事呢 延伸閱讀:【職場貼士】放假放到想辭職... 5 個方法幫你假期之後重新投入工作

其實自己的工作,當然最好由自己作主,考慮清楚自己能否承擔轉工的風險,了解過潛在風險,都依然想做轉工,就不如行動。但若果家人對你的決定有所擔憂,就不如坐下來跟他們好好討論,好讓他們明白你做決定的原因,以及能為自己的決定作承擔,令他們不再擔心。

在跳出舒適圈之前,要考慮什麼事情?留在原來的職位,是否一定是壞事?
Look out for further updates on our Facebook fan page!