【自我增值】慳錢可以慳到買到樓?節儉網民分享儲錢心得

常言道:「小富由儉,大富由天」,是否真的靠慳錢就能慳出個未來?有打工仔眼見現時疫情下市況甚差,下定決心從今開始量入為出,謹慎理財,但懷疑是否真的單靠慳錢就能儲到物業首期,逐於討論區詢問:「小弟唔係太傻咋可?」。


延伸閱讀:【儲蓄理財】金額細分分鐘使得仲多? 學識5個慳家方法

每天多走幾步 只為儲彈藥畀首期
事主辛勤工作,每日上班約12至14小時,但始終未有屬於自己的物業,加上現時市況甚差,故決定實行各類慳錢大計,如返工帶飯、「收工行多兩步分段收費先搭車」等。他表示,衡量過日常開支,飲食支出非常昂貴:「平極一餐晏都要$70。帶飯起碼慳$30,一個月都$900」。儘管要從日常生活細節作出調整,一點都不容易,但事主仍會為買樓而堅持:「我咁嘅速度,我驚到下次樓價再升時,我連單車都未買到」。

慳錢首先要改變生活習慣
有網民大方分享自己成功儲錢買樓的經歷:「當初我洗錢呀,買嘢唔睇價錢牌架。後來年紀大咗啦,開始知死啦,發覺咁落去唔掂。首先第一件事,脫離你班豬朋狗友、酒肉朋友先」。他表示,以前每個星期有4晚都外出消遣、花天酒地,後來驚覺如此揮霍的生活,是他成為「月光族」的主要原因。摒棄所有揮霍陋習後,加上向家人借錢付物業首期,他成功買下480呎舊樓,支出總共2百萬。「嗰陣我人工係$1.5萬,應該係廿幾年前嘅事...每個月$300車錢、$200電話雜費、早餐在屋企食、下午飯則打包夜晚剩嘅嘢、夜晚又係返屋企食;周未嘅節目是去行山、做運動、游水...」,總之所有都是不用花錢的娛樂。

延伸閱讀:【自我增值】月薪$2萬VS. $3.4萬的儲錢大法 做好3件事令你財富增加

香港樓價有升無跌 外地置業更划算?

除了慳錢,有網民亦表示,若真的負擔不起香港的物業,不防考慮在其他地方置業:「年輕人志在四方,我當年(20多年前)朋友去北京、上海工作,買了當地樓,而家升咗十倍八倍!以前浦東係爛地,而家貴過浦西;北京3環外係市郊,而家係市內!」。


Look out for further updates on our Facebook fan page!