【家庭關係】家姐投訴屋企重男輕女 失業減家用被家人要求搬走

正所謂「講錢傷感情」,即使是最親密的家人,當談及錢銀問題時,也有機會發生爭執,甚至反目成仇。最近有女網民投訴家人重男輕女,指父母從不干預弟弟交多少家用,但當自己失業想減家用時,卻換來一句「只可加不可減」,更被要求搬走,令她大呻不公平。

延伸閱讀:【家庭關係】從小到大跟兄弟姐妹比較 打工仔自言壓力大︰永遠睇死我

按圖了解詳情:

-本人為家中大女,仲有一個細佬。家中一向重男輕女,屋企有咩事我都唔能夠發表,一出聲就係我唔啱。
-我一出黎做嘢搵$7,000,就要畀$3,000做家用。當時份工要過海,淨係車費都用咗我$500。
-而家做咗10多年,對上份工都有萬五蚊,家用加到去$3,800。
-至於細佬搵嘅錢一定多我一倍有多,但佢鐘意畀幾多家用就畀幾多,屋企人從來唔會話佢。
-上年年尾我被公司解僱,有3個月失業。雖然而家有份工,但人工少咗,所以我畀少咗$600家用。
-但屋企人話家用只可加不可減,甚至話$3,800已經唔多,搵唔到咁多錢係我無本事。
-其實我當初應承做呢份工,係因為怕屋企人話我咁耐都唔搵嘢做,到而家搵到工,又話我做咩畀少咗家用。
-我一直畀家用,但屋企好多嘢都唔包,只會提供中午一隻雞脾及間中食晚飯,日用品都係我自己買。
-屋企人話既然我畀唔足家用,一係只包我一餐,又或者叫我搬出去自己住,總知成日鬧我。
-我都知$3,800唔算多,但都無理由細佬就畀咁少,甚至唔使畀……
-搬出去住係幾free,但又驚自己人工隨時cover唔到,所以唔知點算好。

網民點睇?

-如果真係想改變,第一步搬走寧願住劏房都好過而家咁,唔好再被家人情緒勒索。最緊要自愛,如果連你自己都唔愛自己,未來生活唔會有大改變,只會不停呻、不停被苛索。
-畀100%都會話唔夠,所以做人好多事唔係可以控制到,盡咗力都無計,講就由佢哋講啦。
-$3800當交租,唔好期望咁多就唔會失望,出面的確租床位都唔止$3800,現實無錢就要低頭。
-唔知妳而家幾大同搵幾多,但食住屋企畀$3,800真係算少。不過你都應該要為自己打算,搵得少就進修充實自己啦!
-你根本唔需要同細佬比較,自己做好自己,能力畀到就畀,總知細佬無問你攞錢就得。
-我覺得你家人對你好麻麻,佢哋自己都有嘢做,差不多4000蚊算係咁啦,仲開口叫你走……
-如果我屋企人咁絕情,我寧願搬出去住同人夾租,五千蚊都可以找到分租房。
-真係好難想像父母收少幾百家用,就會同仔女講減少一餐或者要你走,如果係我會好心淡同傷心。
-重男輕女嘅例子實在太多,你改變唔到佢哋,唯有自己自強,向上爬!
-$3800除開每日得$120,其實真係唔夠,同埋你工作咁多年,屋企人真係唔想再補貼你。計埋屋租水電,日常用品開支真係非常大,要計清楚條數。
-如果你做咗嘢十幾年,人工得$15,000,畀3千幾家用,又真係少咗D囉……

相信很多人與事主一樣,收入不高但又想增值自己。事實上,坊間有很多免費、具認可性的線上課程供上班族修讀,透過線上學習也能獲取相關知識,在事業爭取更高成就。

按圖了解4種免費增值自己的方法:

 

延伸閱讀:【家庭關係】30歲兒子月入一萬幾借錢過活 爸爸︰立平安紙留層樓同資產畀佢?

延伸閱讀:【家庭關係】Fresh Grad一畢業就要養退休雙親 月入僅$13,000感巨大壓力

延伸閱讀:【家庭關係】大學生一星期返6日工 放假在家休息遭母親埋怨「好hea」

 

【最新調查】《CTHR 2021年畢業生薪金及就業調查》結果出爐!立即下載調查報告!

Look out for further updates on our Facebook fan page!

Looking for jobs?