【求職招聘】網傳請CEO助理月薪9萬 符合8大要求先得?

新冠肺炎疫情重創本地就業市場,打工仔面對裁員及就業不足等問題。最近有網民於討論區轉載一則招聘啟事,指有公司為行政總裁(CEO)聘請私人助理,月入可達9萬元,包食宿更有房屋津貼,聽起來似乎是一份筍工,不過,當仔細留意招聘內容,不少網民隨即議論紛紛,表示工作內容誇張,恍如「賣身」。

該招聘啟事的標題為「行政總裁私人助理/助手/管家,需要頻繁出差,包食宿」,月薪由5.5萬至9萬元,需要完成9大工作內容︰ (按圖了解更多)

延伸閱讀︰【求職招聘】中大請試藥員 6日療程人工一萬元 有咩風險?

此則招聘旋即引起網民熱烈討論,不少人認為工作內容誇張,直言「同請工人無分別」,又有人形容工作內容相當於要「賣身」。有人計算後,發現「唔計睡覺時間,當你一日真係做嘢返12個鐘,起碼星期六日擺明都要做嘢,即係72個鐘係基本;未計飯局嗰啲又跟,再加10至12個鐘,除開仲低人工過經理級員工」。

此外,有人指自己曾做過類似的工作,但太辛苦最終辭職。「以前做過類似嘅工,不過唔係CEO,係個好出名嘅Banker,幾個月就quit咗。」不過亦有人指,「私人秘書人工的確十分高,只要老細覺得你跟到佢節奏就可以叫高啲。」

資料來源︰經濟日報

延伸閱讀︰【政府工略】政府請二級私人秘書 月薪$16565 中學學歷兼係公務員?

延伸閱讀︰【兼職假期】聖誕新年賺外快!短期工推介

Look out for further updates on our Facebook fan page!

Looking for jobs?