【網絡熱話】遇老翁暈倒被斥見死不救 車長千字文回應:我哋係人唔係神

最近,有市民投稿至Facebook專頁「屯碼牛牛」,透露有老翁在屯門碼頭巴士站長室外暈倒,而且頭部着地,該名市民和幾位男士加入協助。雖然眾人希望巴士站長室職員能伸出援手,但市民憶述職員「個個行過望我哋兩眼,然後走咗去」,批評職員態度冷漠,於是向巴士公司投訴涉事職員。事件近日成為網絡熱話。

延伸閱讀:【屯門公路】打工仔塞車遲到被扣糧? 原來違反勞工法例!

很多網民不滿該名市民動輒投訴,笑言「其實你咁樣又投訴人哋,不如幫阿伯call救護車先啦」、「其實真係唔一定要幫」、「香港果然係投訴之都」,又指巴士司機或許沒有急救證書,眼見已有一大班人幫忙才沒有理會,亦有人認為「雖然呢班職員咁冇同情心,我都好無語...」

巴士車長千字文吐苦水 批乘客欠禮貌公德心
之後,有居於屯門碼頭附近的巴士車長撰寫近2,000字文章,回應上述市民投訴。雖然車長不是涉事職員,不過他形容「我地車長都係人,唔係神」,因為車長不需考急救證書,遇到意外也無能為力,只能幫忙報警,然後等候救援人員到場處理。此外,車長和車站職員亦要完成其職責,準時將乘客送到目的地,即使目撃意外,為了車上乘客利益,車長未必能及時伸出援手協助。

延伸閱讀:【職場熱話】18區最痛苦的返工地點!觀塘熱到變蒸爐?

除此之外,車長亦藉機批評不少乘客沒有禮貌,就算成功追上巴士,也沒有向他道謝,甚至被人用粗口辱罵,車長坦言:「請考慮吓我哋嘅感受,有好多時嘅野唔係我地控制範圍以內,無願無故被你鬧,我哋都會耿耿於懷」,他亦指出有些乘客欠缺公德心,在車廂亂拋垃圾、剪指甲、不用耳機煲劇聽歌等,希望乘客能改善問題,亦不要為小事投訴車長。

網民:支持車長,不過一單還一單
留言的網民大部分支持車長,表示:「支持車長!」、「我想話我追完車上到車都會講唔該,有時個站得我一個上車我都會好自然講唔該,希望大家唔好吝嗇咁簡單一句好嗎?」,又指責不少人欠家教和禮貌。不過,有網民認為車長只是轉移視線:「你平時嘅辛苦還你平時嘅辛苦,嗰一刻出文者形容到嘅無動於衷還無動於衷,完全係兩件事。」

按此即睇免費進修課程!

Look out for further updates on our Facebook fan page!

Looking for jobs?