【職場奇聞】求職者尚未獲錄取 竟問公司攞員工福利

各大企業的員工福利層出不窮,例如醫療保險、員工優惠、生日假期、免費零食和杯麵等,不過打工仔想享用福利,大前提是要順利度過試用期,並成為正式員工。任職診所護士的珍寶豬近日在Facebook專頁「診所低能奇觀」透露,有顧客竟未正式入職,就向公司索取醫療福利,令人愕然。

珍寶豬指某日顧客到診所詢問會否收醫療卡,又問:「你知唔知我公司係邊張呀?」珍寶豬聞言摸不着頭腦,及後顧客稱手上未有醫療卡,欲由公司支付診金,惟珍寶豬以顧客未能出示醫療卡為由,拒絕顧客要求。

延伸閱讀:【網民職場Talk】上司洗數百元維修電腦 原來問題喺個掣度?

未料,顧客竟然表示:「我仲諗住in完間公司就用得咋」原來顧客早前面試,HR提及成為正式員工後,可享用醫療福利,但顧客以為面試後,尚未入職就能使用公司福利。顧客之後表示向公司查詢詳情,珍寶豬出言勸阻,又心想:「唔好啦,你唔好自尋短見啦,我怕你打完呢個電話,明明人哋準備請你都即刻打你大叉叉呀。」顧客一意孤行致電查詢,未幾,他便默默離開診所。

網民坦言難以理解顧客的想法,認為顧客因一個電話錯失工作機會,又笑言:「拎Future tense(未來式)當Present tense(現在式)用?!勁到冇朋友!!」、「第幾日出嚟做嘢呀?」,更認為公司沒有聘請該名顧客絕對沒有損失。

更多職場文章
【網民職場Talk】公司每三個月派一卷廁紙 網民:慳唔到幾多錢
【網民職場Talk】打工仔慘遭上司冤枉失職:我都冇跟開!
【見工面試】上班首日遇交通意外 打工仔一個決定失工作機會
【網民職場Talk】打工仔細數電郵錯字搞笑事 結語誤打成「Best Retards」

Look out for further updates on our Facebook fan page!

Looking for jobs?