【職場文化】打工仔收工後唔覆上司短訊:合約冇寫明

打工仔收工後,有時或會收到上司同事的短訊電郵,詢問工作進度,究竟你會選擇回覆,還是已讀不回?有人選擇收工後一概不理公事短訊電郵,獲同事大讚「有Guts!」

延伸閱讀:【打工仔辛酸】放假仍被急Call催進度? 網民:咪接電話啦!

收工拒回覆上司 暗寸:咁係違反員工守則?
有打工仔投稿至Facebook專頁「奴工處」,大談新同事就任數星期,一放工就不回覆任何短訊電郵,惹來上司不滿,於是在食飯時間教訓新同事,誰知新同事竟回應:「首先,唔好意思,我係新人唔熟公司,真心想請教下,公司合約呢,有冇寫明放工以外時間,唔覆或唔睇短訊係違反員工守則?如果有,我會注重一下自己行為…」令上司啞口無言,同事默默「食花生」看好戲。

網民:奴性重先覺得咁做唔正常!
不少網民認同新同事的作風,直言:「呢個新人幫緊你哋啊」、「我一向都係咁工作態度,我老闆都知....所以除非好急事,否則乜都係上班時間先煩我。」、「奴性重果d先會覺得咁係唔正常」,亦有人認為新同事會得罪上司,除非他能力出眾,否則短期內會被炒魷。

延伸閱讀:【見工面試】想知未來老闆係咪好麻煩? 3個跡象睇得到!

不過,有網民不理解為何放假或收工後回覆上司,會被其他人指責:「你想幫公司咪覆囉,你覺得out of人工咪唔覆囉,睇你返一份咩嘢工嘅啫,唔好將自己嗰套,迫人用你嗰套先得㗎」,其他人隨即指同事的一舉一動,會影響上司指令:「好多老細只會當你既好心係應份,然後去要求其他同事,去逼人做……講真作為同事,我理得你幫唔幫公司O唔OT咩,唔好搞到我要一齊OT就得啦。」

延伸閱讀:【職場奇聞】打工仔想拎假紙詐病 被診所姑娘一句識穿!

Look out for further updates on our Facebook fan page!

Looking for jobs?