【職場熱話】同事博上位可以去到幾盡?網民:結婚下跪斟茶俾老細飲

職場如戰場,身邊總有一兩個「擦鞋仔」同事,每日待在老闆旁邊阿謏奉承,務求得到上司的提攜,從此平步青雲。在其他同事眼中,這類人最乞人憎,大家都對他投以鄙視的眼光。近日有網民在討論區分享他見過最恐怖的擦鞋行為,「連自己結婚行禮嗰日,都安排下跪斟茶俾老細飲,你做咗幾個月咋喎,使唔使博上位到咁?」,令人咋舌。

延伸閱讀:【返工血淚史】唔擦鞋被杯葛 打工仔:我過唔到自己嗰關

擦鞋的風氣存在以久,由於大部分老闆都不會抗拒下屬的讚美及殷勤,於是很多打工仔為求上位會選擇以擦鞋這低成本方式,去籠絡人心。最基本的是每日找一樣東西稱讚老闆,不論是想法、衣着、飲食口味都大讚特讚。其次是裝作很勤力,每日OT到通宵達旦,連放假也回公司工作,並「無心地」傳送電郵給同事,更補多一句「我Send定出嚟,大家唔使理我,放完假先Check~」,令其他人反白眼。

不過以上例子也不夠討厭,有名網民近日有網民在討論區分享,指公司數個月前來了一個銷售經理,他一上班便「落足鞋油」擦老闆鞋,每日都入老闆房篤人背脊。最誇張的是,「佢返工無耐就結婚,有請晒老闆同事去,擺酒嗰日佢哋兩公婆同完長輩斟茶之後,突然叫咗老細上台,話要多謝佢嘅領導,所以安排下跪斟茶環節。」整個場面極度尷尬,台下的同事紛紛側目而視,「大家心諗使唔使咁Chur啊?做到咁真係抵你上位。」這件事更流傳到全公司,所有人都知道他的「豐功偉績」。

其他網民都分享了深刻的「擦鞋仔」經歷:(按圖了解)

延伸閱讀:【職場人際】聽到同事咁講即刻反白眼!5句職場上最乞人憎的說話

 

延伸閱讀:【職場文化】扮可愛、擦鞋 10種令人反眼的同事

延伸閱讀:【讀者投稿】同事玩小圈子 成日屈同事做錯嘢 打工仔︰老闆日日食花生

 

香港首創 WhatsApp 搵工平台「搵工快」上線啦!八大行業 2,000+ 前線、兼職、散工等你申請!Click 入去打開 WhatsApp,然後發送對話,3 個 steps 內搵到啱做嘅工!你仲可以選擇直接 WhatsApp 僱主添!

Look out for further updates on our Facebook fan page!

Looking for jobs?