【職場熱話】同事撞完車為勤工獎仆返工 網民:無人夠香港人奴性重

為了返工,你可以去到幾盡?近日有網民在討論區分享一件令人哭笑不得的辦公室趣聞,他指有同事在早上駕駛電單車時不幸「自炒」,手腳皆有皮外傷,但是為了保住「雞碎咁多」的勤工獎,竟然拖著受傷身軀堅持上班,放工後才到醫院檢查。其他網民紛紛笑言香港人奴性世界第一,甚至連生命都可以置之不理。

延伸閱讀:【職場貼士】用公司電腦做私事要小心 5件絕對唔可以犯的錯

該名網友描述當日的情況,表示「返到公司就見到個男同事手踭損晒仲有血跡,條牛仔褲磨到穿咗兩個大窿,佢仲話自己個頭有啲痛,問我哋有無止痛藥俾佢頂著先。」原來他為了保住「清白之身」,堅決不請假,誓要獲得該月的勤工獎。因此寧願自己先行處理傷口,放工後才到醫院詳細檢查。其他同事都認為他的行為過分偏激,為了僅僅1,000元的勤工獎而妄顧自己的安全,可能連醫藥費都不夠支付。

其他網民都批評該男同事奴性太重,又說無論打風落雨、天災人禍都不能阻止香港人返工的決心。有人分享身邊同事的奴性想法,「有d人好變態,覺得做嘢一定要辛苦,仲好proud of自己做到成隻狗咁。」另一方面,有網民同情香港人為了三餐而辛勞工作,又指失業率高企令許多打工仔人心惶惶,懼怕丟掉飯碗。

現時仍然有不少公司設立勤工獎制度,視為僱主給員工基本薪金外的額外福利,主要目的鼓勵員工準時上班,以獎勵性質提升士氣。不過這個制度常被打工仔詬病,亦不時有無良僱主剋扣員工勤工獎,盤算如何走法律漏洞,以各式各樣原因剝削員工。

網民對勤工獎有咩看法?(按圖了解)

延伸閱讀:【讀者投稿】無能上司好惡頂 老闆講咩都照做 連累下屬受苦

延伸閱讀:【職場熱話】30歲係人生分水嶺?網民:打份低層牛工無錢無目標

延伸閱讀:【職場熱話】中秋正日公司搞食飯 網民:老細你係咪冇屋企人?

香港首創 WhatsApp 搵工平台「搵工快」上線啦!八大行業 2,000+ 前線、兼職、散工等你申請!Click 入去打開 WhatsApp,然後發送對話,3 個 steps 內搵到啱做嘅工!你仲可以選擇直接 WhatsApp 僱主添!

Look out for further updates on our Facebook fan page!

Looking for jobs?