【職場熱話】同已婚男同事單獨食飯要避忌?女網民:人言可畏可免則免

有人的地方就會有是非,在職場上每日都有公司八卦聽,特別是有關男女關係的流言蜚語就最吸引「花生友」討論。如果不想成為故事的男女主角,在辦公室就要學懂避忌。近日有女網民在討論區分享,自己與一名已婚男同事同期入職因而熟絡,經常做「飯腳」一起吃Lunch,卻被朋友責備叫她應該要避嫌,所以想請教網民意見。

延伸閱讀:【讀者投稿】網民:女同事唔記得登出電腦 畀我發現佢同我男友……

該名女網民表示自己只是當男同事是普通朋友,對他絕無非分之想,大家因為同期入職而變得熟絡,平時會做對方「飯腳」一起去試新餐廳。「我哋平時食Lunch會用公筷夾餸,而且以AA制各自付錢。食飯期間亦唔係成日傾計,各自各玩手機,從來沒有越軌行為。」有時該男同事想買首飾送給老婆,都會詢問她的意見。

不過她的朋友就責怪她不懂得避嫌,「你諗下個男同事嘅老婆會點諗?萬一佢好小器,又或者疑心重,你好容易就成為佢哋鬧交嘅導火線,所以唔好再同佢單獨食飯啦!」她覺得與同事吃飯是正常社交,如果大家是清白就無需擔心,不希望因為辦公室政治而剝奪交朋友的權利,何況她控制不到其他人的想法。

其他網民對於這件事持有分歧,有部分人認為雖然女網民心如止水,不過難保該已婚男同事會否對她有意,建議她多找幾個同事一起吃飯,避免有閒言閒語。亦有人支持女網民決定,「唔通結咗婚就要斷絕與所有異性來往?而家社會咁開明,大家思想唔好再咁守舊,清者自清。」你又覺得有沒有需要避忌呢?

即睇其他網民有咩意見!(按圖了解)

 

延伸閱讀:【辦公室戀愛】同事上司自作多情 4招拒愛方法

 

延伸閱讀:【職場文化】公司遇過6種最奇怪同事 網民:用咁嘅方法扮有男朋友

延伸閱讀:【讀者投稿】鍾意公司男上司 女同事:我應唔應該表白?

 

香港首創 WhatsApp 搵工平台「搵工快」上線啦!八大行業 2,000+ 前線、兼職、散工等你申請!Click 入去打開 WhatsApp,然後發送對話,3 個 steps 內搵到啱做嘅工!你仲可以選擇直接 WhatsApp 僱主添!

Look out for further updates on our Facebook fan page!

Looking for jobs?