【職場熱話】失業要唔要畀家用?網民:父母叫我借錢都要畀

失業未算慘,無錢「畀家用」更慘?「畀家用」一向被視為子女的責任,打工仔會把部分人工交給家人,以作日常開支之用途,而這個問題經常成為家庭衝突的原因。有打工仔在網上討論區表示,現正處於失業零收入狀態,卻被家人追交家用,更說「借錢都要交到」,令他很大壓力。

延伸閱讀:【人力趨勢】人力中介評估市場4大走向︰失業潮將持續至……

「畀家用」源於孝道的傳統,本是子女的一番心意,希望用自己的能力回饋父母。不過當收入不夠時,想交也未必交到。早前有打工仔在網上討論區大呻,自己兩個月前因公司倒閉而被解僱,加入失業大軍行列,正處於零收入狀態。「人生第一次失業,本來已經唔開心,但最唔開心係屋企人淨係掛住叫我畀家用,一啲都唔關心我,好灰!」

他指自己有努力搵工,奈何就業市場競爭激烈,經濟低迷減低僱主招聘意欲。但家人總覺得他在家中無所事事,而且常常把家用掛在口邊。「佢哋話我成日留喺屋企,三餐要錢,燈油火蠟又要錢,叫我就算失業都要畀家用,借錢都要借返嚟。」由於他之前投資失利,因此失去了一筆儲蓄,現在又被家人催交家用,令他快要壓力爆煲。

其他網民對他的遭遇持不同意見,有人認為失業要畀家用太過不近人情,除非家庭有嚴重經濟困難,否則應該等事主找到工作後再作打算。亦有人指家人可能是擔心事主「懶懶閒」,因此用激將法刺激他盡快搵工。

 

即睇網民有咩意見!(按圖了解)

如果是你,失業之後又會不會畀家用呢?

延伸閱讀:【職場熱話】男朋友失業逾年 女網民:愛情與麵包只能二揀一?

延伸閱讀:【讀者投稿】哥哥無業但想結婚 妹妹:問完父母又問我借錢

延伸閱讀:【職場熱話】30歲係人生分水嶺?網民:打份低層牛工無錢無目標

 

⏩⏩  大把兼職、散工、前線好工等緊你!即用「搵工快」WhatsApp 搵工  ⏪⏪

Look out for further updates on our Facebook fan page!

Looking for jobs?