香港人工作壓力大是常有的事，返工不開心更是常態。然而，很多打工仔都覺得這些壓力只要忍耐或以「先放一邊，容後處理」的態度去面對，然後壓力慢慢積存，到有一天就會毫無預警地爆發或釀成不可收拾的情緒問題。
有網民在社交平台專頁「奴工處」上以「工作壓力大，最後咁搵到出路」以題投稿，並分享個人面對工作壓力的經驗。他指曾經都感到很大的工作壓力，以至每晚都發惡夢，但他明白自己的情緒需要由自己找出路，「唔係話即刻辭職就搞得掂，辭咗職壓力分分鐘仲大，有啲人要供樓養家，而我選擇咗主動搵輔導傾偈。」
延伸閱讀：一文睇清十二生肖移民宜忌！屬牛去英國、屬豬去日本？
他指約見了輔導員後，自己第一次去的心情都很忐忑，「擔心自己會否有病，有病手尾長點算，會唔會控制唔到自己情緒……第一次見嗰時爆喊，但感恩遇到位好好嘅輔導員，用心聆聽同記住我講嘅嘢，傾嗰時開闊咗我嘅思路。依家有時工作都會有壓力，但已經少咗發惡夢，亦可以控制到自己情緒，冇咁容易爆。學習同自己嘅情緒共存、疏導佢，唔好以為辭咗職就一了百了，情緒問題解決唔到，下份工又有惡頂上司或者工作環境咁點算？特別依家環境麻麻，老細好老奉覺得要使盡你，又可以隨時炒你……」
他再鼓勵大家：「即使你依家好灰心，唔緊要，唔使逼自己一時三刻即刻好返，咁樣逼自己更加衰，畀啲勇氣，約個專業輔導員傾下偈啦！」
即睇網民回應：﹙按圖了解﹚
連旅行都冇得去
有網民道出無奈真相，以前就算工作壓力大，都可以有去旅行這一選擇作為心靈的慰藉，工作再辛苦，都可以旅行為目標，有一個值得辛苦的理由。可是，現在放假都得在香港，上司與同事知道了這點，在放假時都照樣whatsApp你，不讓你有喘息的空間。疫情下所面對的壓力，可能比以往更大更沉重。
但正如事主所說，辭職只是解決短期狀況的方法，因為下一份工，你又可能會再遇到衰上司或惡劣的工作環境，所以，長遠地處理壓力的方法是，學習了解和控制自己的情緒，為壓力找一個出口，不能死忍。
找輔導員是一個不錯的方法，雖然有網民指：「遇到好嘅就係，遇到唔好嘅只會更崩潰。」事主找到一個適合自己的輔導員固然幸運，但遇不適合自己的亦不要放棄，多試幾次，總會有一個明白你的處境，幫助你找到一個舒適地整理情緒的方法！
情緒問題只是精神上的感冒，愈早處理和面對，就愈容易慢慢痊癒，所以，不要逃避。
【牛年運程懶人包】
【職場星座懶人包】
【香港人在外國】廣告業女生隻身到英國 所有事情都靠自己 嘆：有時會好孤單…
【見工面試】畢業見工竟第二日即獲聘 Fresh Grad：公司乜嘢都無睇
【返工血淚史】東鐵過海好擠迫？打工仔首日返工體驗：●●已經上唔到車！
【職場熱話】唔小心拎錯同事把遮 竟被要求賠償$500？
Looking for jobs?