【職場熱話】月入$2.4萬被女友狠飛 搵幾多先好結婚生仔?

十多年前李麗珊的一個廣告中提到,養大一個小孩要$400萬。不過今時今日,香港地$400萬連樓都買不到,別說養大小孩。近日有網民於討論區發帖指,每月月薪$2.4萬,是否不應該結緍生仔。帖文惹起網民熱議,有人指事主女朋友拜金,亦有人指月入$2.4萬唔算差。

事主指自己月入$2.4萬,女朋友最近因事主「賺得少」而分手,「佢叫我唔好害人害下一代,早啲食自己好過,乜真係咁咩」。事主慨嘆這個收入是否不應該考慮結婚生仔的事。

月入$1.6萬應畀幾錢家用 網民苦惱上網求解答

網民:生仔結婚同錢銀冇直接關係
有網民認為,事主的女朋友「拜金」,這種人不要也罷,「以家社會啲女要求好高,成日睇新聞見到好多女嫁富二代,唔係就大富豪,再唔係屋企好多樓收租,收息王」、「條女要求高啫,有啲師奶搵萬零蚊都當佢自己少奶奶咁款!做人最緊要自己點睇自己」、「咁勢利的女士,送畀你都唔好要啦」。

每月20K只夠生存?網民詳列開支感心酸

有網民認為,月入$2.4萬其實唔算差,「如果你搵到個女仔,搵20,000咁上下,家庭月入都叫做幾好啦」、「結婚,搵幾錢都無問題,有人肯就得。生仔,要儲多舊錢先諗」、「結咗生咗先,船到橋頭自然直。點樣諗計用嗰筆錢,仲要有剩,生活多啲姿彩。畀更加多錢你咪又係洗晒」。另有網民指出,結婚生仔其實同錢冇直接關係,「好多人都係搵差唔多呢個數,咪又係結婚生仔,同時又有好多高收入人士唔想結婚生仔,所以係無直接關係」。

 

 

Look out for further updates on our Facebook fan page!

Looking for jobs?