【職場熱話】男朋友失業逾年 女網民:愛情與麵包只能二揀一?

經濟持續低迷,不少市民都處於失業狀態,僅靠積蓄過活。如果你的另一半失業多時,你又會如何面對呢?近日有女網民在討論區呻苦,表示其男朋友自從年初被解僱後便失業至今,雖然中間有搵工但不獲聘用,之後更越來越懶散。「我成日Send招聘廣告鼓勵佢咩都試下,佢講多兩講又躁底,我又驚俾太大壓力佢,都唔知可以點幫佢……」

延伸閱讀:【職場熱話】有咩慘過清大假無得去旅行? 打工仔:日日喺屋企煲劇煲到厭

受新冠肺炎疫情影響,很多公司都選擇裁員,失業不只影響個人生計,更甚是衝擊婚姻及兩性關係,令不少情侶瀕臨分手邊緣。早前有女網民在討論區分享,男朋友年初被公司解僱,至今仍未找到全職工作,而且心態更越來越頹廢,令她感到憂心。

她指男朋友起初有很努力Send CV及見工,不過均沒有消息,令他感到挫敗。加上他是個有夢想的人,只會做自己想做的事,不會屈就自己做不滿意的工作。「佢話唔想是但搵份騎牛搵馬,想一搵就搵到份最好。」因此這大半年都是靠積蓄過活,為了省錢已經很少出外約會,而且大多數時候都是女方出錢,希望減輕他的壓力。

不過女網民指男朋友似乎越來越享受「廢青」生活,日上三竿才起床,又不報讀課程進修,她怕長久下來積蓄很快會用完。「我呢幾個月哄又哄過,傾又傾過,自問已經畀咗好多鼓勵佢,但真心唔知點幫佢好。我覺得好辛苦,好似皇帝唔急太監急咁,一講搵工就會嘈交,好怕有一日遲早分手。」

有網民指自己面對同樣情況,另一半都失業,唯有在精神上支持。「大家都明搵工好難,所以我叫佢搵下Part Time賺下生活費先,唔急住打Full Time工,至少唔好俾自己懶下來。」亦有人指男方不思進取,而且不懂變通,建議女網民盡快分手,無謂浪費時間在他身上。

其他網民又有咩意見呢?(按圖了解)

延伸閱讀:【職場貼士】打工仔見工面試即Out 注意5大禁忌

延伸閱讀:【自我增值】打工多年都儲唔到錢?5個手機必備理財App幫你控制支出

延伸閱讀:【職場熱話】後生仔唔捱得?盤點最討厭的辦公室說話

香港首創 WhatsApp 搵工平台「搵工快」上線啦!八大行業 2,000+ 前線、兼職、散工等你申請!Click 入去打開 WhatsApp,然後發送對話,3 個 steps 內搵到啱做嘅工!你仲可以選擇直接 WhatsApp 僱主添!

Look out for further updates on our Facebook fan page!

Looking for jobs?