【職場熱話】私人秘書慘過做工人?網民:要幫老闆仔女格價買內衣褲

每個老闆身邊至少有一個私人秘書,有人認為秘書的工作簡單,每日準時放工無壓力;亦有人指秘書要隨時候命,沒有特定工作範圍,只要老闆要求不論大小事務都要完成。近日就有網民開Post,表示其表妹自從做秘書後,好似成為老闆的工人,「人工低又要24小時On Call,搬搬抬抬粗重嘢係基本,仲要照顧老闆全家,連幫佢嘅仔女買內衣褲格價都要做。」

延伸閱讀:【職場熱話】Staycation酒店房變亂葬崗 員工:住客俾啲公德心好無?

正所謂「私人秘書」,這個職位的人除了協助老闆處理文書工作、編排開會日程、沖咖啡之外,最重要是幫他完成繁瑣的私人事情,以便他騰出更多時間做公務。坊間基本上沒有一個界定秘書職責的清晰指引,多數都是取決於雙方溝通,做得長時間秘書隨時變成十項全能的超人。

最近就有網民在討論區分享,其表妹大學畢業回流後,便進入了一間上市公司做老闆的私人秘書。「公司成日都叫佢做粗重嘢,搬果籃、送信、買Lunch、拎衫去乾洗,有次仲要帶埋老闆嘅工人姐姐買眼鏡同埋去入境處。其實點睇都唔算係秘書嘅工作範圍?而且人工得一萬多,俾老闆係咁點,星期六日都隨時On Call。」

秘書真係咩都要做?(按圖了解)

此帖文引起網民熱烈討論,很多人都說私人秘書就是「打雜」,務求幫老闆節省最多的金錢及時間。有前任秘書分享以往的辛酸事,「基本上我同佢工人無咩分別,試過幫佢個仔出練習題、做勞作,又要上網格價買小朋友內衣褲。仲要定時定候幫佢交水電煤雜費,記低幾時續保險、上網合約、車牌、簽證等等,最慘係幫手追租客交錢,真係好煩。」

不過,有網民指如果秘書做得好,老闆會待她不薄,前途一片光明。例如李嘉誠的前秘書洪小蓮,雖然學歷不高,不過因為夠勤力,將複雜的事情處理的井井有條,最後更被老闆提拔成董事,年薪高達一千萬。

延伸閱讀:【職場熱話】教學助理等同廉價勞工?月入$13,000倒垃圾整壁報仲得7日大假

延伸閱讀:【職場熱話】女同事公主病發作 投訴保安唔幫手撳𨋢

延伸閱讀:【職場熱話】失業4個月壓力大 打工仔網上訴苦︰極灰

 

香港首創 WhatsApp 搵工平台「搵工快」上線啦!八大行業 2,000+ 前線、兼職、散工等你申請!Click 入去打開 WhatsApp,然後發送對話,3 個 steps 內搵到啱做嘅工!你仲可以選擇直接 WhatsApp 僱主添!

Look out for further updates on our Facebook fan page!

Looking for jobs?