【職場熱話】網上流傳酒店神秘顧客職位 享免費住宿體驗但要同陌生人同房?!

市道不景氣,許多人都尋找炒散或兼職工作,希望「搵快錢」幫補家計。最近有網民在Facebook發現酒店神秘顧客招聘Post,對方表示神秘顧客只需入住酒店使用房間設施並填寫評分表,即可獲得400元報酬。不過當中有部分工作流程疑點重重,一眾網民斷言肯定是「伏工」,勸阻事主不要貪小便宜而誤墮求職陷阱。

延伸閱讀:【絕世筍工】呢份工被稱「人生勝利組」?網民︰返工釣魚被投訴多年都唔炒

酒店神秘顧客工作詳情:(按圖了解)

-唔使錢咪試下囉,但一要你交錢或者墊支就唔好制啦。
-唔使錢嘅野最貴,呢啲唔好亂試啦,何況先得$400一日,都唔係好好pay啫,無謂拎條命較飛。
-做開counter神秘顧客係轉帳出糧,同埋評分唔係用紙囉,而家咩年代,全部上網填表啦……
-好伏,人生安全成疑,仲要同個三唔識七嘅陌生人同房?用腦諗吓都知有問題啦。
-返5次先有糧出=伏,包你第5次話你做錯嘢無糧出,白做一場!
-有朋友講過呢份工,Facebook係咁招人,仲要除晒所有衫放喺門口出邊,話會有工作人員check,連底褲都除,赤裸裸咁瞓……
-齋睇字都feel到伏,點解會一開始唔知公司地址咁痴線,好可疑!
-好多人以為瞓喺度就有錢收,其實神秘顧客要做好多嘢,睇吓間公司員工點處理,report又要寫得勁詳細,一定唔會咁兒戲囉!
-邊有咁大隻夾乸隨街跳,樓主正正常常搵過份工啦。
-之前做過神秘顧客,要上佢公司上堂教你點評分,點會做完先畀地址你去出糧?

 

求職騙案層出不窮,據警方資料顯示,近年求職騙案呈上升趨勢,由去年第一季的34宗,升至今年同期共139宗,上升幅度超過3倍,牽涉的損失金額更由210萬升至990萬元。

作為一個精明的求職者,別因為一時疏忽或貪小便宜而誤墮求職陷阱。以下有10個面試注意事項,大家在應徵工作時一定要加倍小心。

按圖了解「面試7不3要原則」:

延伸閱讀:【絕世筍工?】有公司請臨時工 做齊HR行政會計推廣?試工津貼$8300

延伸閱讀:【筍工快報】招聘睡覺測試員 瞓5日賺$16000 仲有五星級度假村住?

延伸閱讀:【員工福利】公司贈免費生理假 男女都有!居然有女同事貪心 仲鬧HR孤寒?

 

【最新調查】《CTHR 2021年畢業生薪金及就業調查》結果出爐!立即下載調查報告!

Look out for further updates on our Facebook fan page!

Looking for jobs?