【職場熱話】點解同事咁廢仲生存到?網民盤點職場上呃飯食的豬同事

雖然每間公司都想要優秀的員工,不過總有同事的辦事能力較低,有時更有「呃飯食」的嫌疑。日前就有網民討論職場上曾經遇過最廢的人,他們每日Hea住返工,不思進取,但偏偏能夠留在公司多年,甚至升至管理層。不少網民感慨「自己咁努力都得雞碎人工,反而廢人坐喺到就有糧出,好唔公平啊!」

延伸閱讀:【讀者投稿】兼職奉旨Hea做?離職前不負責任做嘢做一半

日前有網民於討論區以「職場上見過最廢嘅人係點?」為題,討論各位打工仔在職場上見過最廢的同事。其中一個網民分享同事出神入化的印文件方法,「Senior同事有20幾年經驗,話說有次我有十幾版紙要Print,Print緊嘅時候佢大聲喝住我,問我做咩一次過Print?我心諗有咩問題,結果佢拉我去部電腦面前,展示佢『逐版打印』嘅技術,選擇第一頁打印、等佢Print完,再選擇第二頁打印……如此類推,結果Print十幾版紙用咗我15分鐘。」其他網民紛紛讚嘆他「呃飯食」的技術十分高超。

亦有網民表示,某些資深同事對Excel一竅不通,當老闆需要Bar Chart匯報資料時,該同事竟然用小畫家自行繪圖,足足畫了3天。更會用人手數Excel表有幾多行,「佢用手指指住個電腦Mon一格一咁數,仲要一二三四…咁樣數出聲,我真係唔知講咩好。」

即睇其他網民分享呃飯食的豬同事:(按圖了解)

延伸閱讀:【職場熱話】同事當Office貨倉雜物亂放 網民:萬一被炒有排執!

延伸閱讀:【讀者投稿】用完廁紙唔換 同事:咁大個人要人服侍?

延伸閱讀:【職場熱話】隔離位同事突然過身 網民:親如家人好難接受

 

⏩⏩  大把兼職、散工、前線好工等緊你!即用「搵工快」WhatsApp 搵工  ⏪⏪

搵好工,快啲下載CTgoodjobs手機APP啦!

Look out for further updates on our Facebook fan page!

Looking for jobs?