【職涯規劃】畢業生勸大學生要做4件事鋪排前路　網民批評：Plan得幾多？

讀書、住hall、上莊、拍拖和做兼職是本港大學生通稱的「大學5件事」，許多年輕人渴求大學時期能夠「成就解鎖」，將5件事通通完成。大學生活可謂自由奔放，自行編排時間表，幾乎可管控每日生活作息。一名中大畢業生早前在CUHK Secrets發文，以過來人身分勸告大學生或將進入大學的年輕人應該要做好另外4件事，鋪排未來前路，以免後悔。

延伸閱讀：【職涯規劃】大專生沒有暑假？商科人表示Year1 就要搵定intern！ 畢業唔做intern冇得入大公司？

發文者認為的大學4件事：（按圖了解）

發文者：勸世，入大學要盡早做career planning（除非讀Medic/Dental/Nursing呢啲包生仔嘅科），否則第時乞食、甚至搵唔到工唔好喊。

1. JUPAS優先選專科

Freshmen可能會覺得大學咁自由係要嚟玩，但其實大學點分配時間係好高深嘅學問。當然，對於未入大學嘅DSE BB，JUPAS揀科都好緊要，除非有一科你係有興趣到想成世喺嗰個範疇做research（純粹覺得嗰科DSE課程有趣嘅唔計，起碼要接觸過大學程度），否則有Medic/Dental（甚至Gbus/QFin，不過入咗大學都要繼續努力）唔揀第時實後悔，其次係唔抗拒嘅專業科（nursing/pharm/law/surveying/archi/actuarial...)，真係揀唔落手先揀普通科。

2. 在學期間要做intern

入咗Medic/Dental/Nursing嘅就恭喜你，唔使再煩前途，但如果入咗其他科，唔該Year 1就開始諗諗第時想喺邊範疇發展，搵啲相關嘅intern嚟做。Intern就唔好計較有冇人工，最緊要嘅揀啲學到嘢嘅intern。就算有部分intern唔關你想做嗰個行業都唔緊要，exposure多啲對你唔會有害。你個degree幫唔到你搵工，你嘅CV and skills先幫到你。除咗上莊可能會用晒你啲時間而又唔係好boost到CV，有啲乜嘢可以boost CV嘅盡量做，intern重要，exchange都會有啲幫助，當然有啲嘢係specific to discipline (e.g. case comp, mooting)。就算冇intern都唔好hea咗啲時間佢，盡量都返吓part time、跟professor做吓research、或者發展吓一啲見得人嘅興趣，呢幾樣對第時搵工都會有價值。

3. Exchange要去名校

Exchange本身唔算好重要（除非真係好出名嘅大學），但可以係一個tie breaker，仲未計你去exchange可以練英文、見識多啲，同人吹水都多啲嘢講。去exchange就盡量去歐美，最好名校，唔好困住自己喺亞洲，當去學吓英文、去遠嘅地方深度旅遊都好。唔好學我個BBA friend有得揀去Wharton (UPenn) exchange都唔去，居然為咗追韓星去韓國exchange。無論重唔重要都好，CV入面有個Ivy League嘅名點都好過冇，都未計有機會練英文，有啲生活化嘅英文留喺香港唔係咁易學到。另外盡量識多啲行內人，了解多啲你想做嗰行嘅情況。

4. 讀書要成績好

最後讀書都好緊要，尤其如果你想搵好工，GPA太低你只會直接畀人screen走。可以上LinkedIn參考吓讀business/law搵到好工嘅人，佢哋個個都一定係一早鋪好路，CV極度靚仔，甚至有啲人未入大學已經有大公司intern，同埋GPA一定唔錯。通常一開始就努力讀書、搵intern充實CV嘅人，最尾出到嚟都會發展得ok，就算讀乞食科都係咁話，尤其拎住CUHK個名喺香港有唔少機會。

網民點樣睇呢4件事？（按圖了解）

網民：而家個世界同幾年前嘅社會環境都唔同晒，你plan得幾多？
網民：唔係話唔搵intern，但year 1就叫人plan定搵咩工會唔會太大壓力？畢咗業幾十年時間打工，不如趁大學生活好好做自己想做嘅嘢啦。
網民：大學唔係職業訓練所！
網民：計劃趕不上變化㗎喎通常！
網民：建議活在當下！
網民：你講完之後，就會有medic、pharm、law啲人出post話佢哋呢行無咩好前途……
網民：失手被分配入普通廢科點先？
網民：Exchange？係咪你畀先？唔係個個有錢！
網民：揀唔抗拒嘅專業科eg. Nursing？入咗去，出到ward先發覺好抗拒點算？
網民：幾時開始暑期工或者part-time升咗格做intern？
網民：早啲學好外文、電腦應用、投資，就會有更好發展機會。
網民：樓主仲係咁祟洋好危險，唔知幾多香港YouTuber去韓國搵食，睇mira一日食個麵都幾萬人睇先。分分鐘你個BBA朋友仲搵得多錢。
網民：大學人生規劃係重要的，但唔係好多人好快就知自己想做咩，或者心態已經準備好。

 

建議被批離地　網民：叫班Year 1諗搵工？

該畢業生認為，人生路向應盡早鋪排，於JUPAS選科時要有策略地挑選專科，避開普通科目。該4件事大多為策略而不講求個人生活，而文中更批評其大學朋友交流時選擇前往韓國屬不思進取之舉，遭受網民猛烈批評。多人認為打工生涯長達數十年，要求大學生從Year 1開始計劃搵工過分苛刻。

不少人提及，專科並非每個人能力可及，反問事主如果DSE失手應怎麼辦，暗指事主眼中的社會是否要放棄這些人。此外，每個學生背景盡不相同，家中未必有閒錢供往海外交流之用，多名網民批評事主建議到海外名校交流寫入CV屬離地。

世界持續受全球化影響，加上地緣政治、社會氛圍不斷轉變，當今大學生難以預料未來情況，不少網民感嘆：「plan得幾多？」該等網民認為，與其從大學生活開始就進入繃緊狀態，不如善用時間追求自己想做的事，活在當下。

最後，數名批評該畢業生視大學為職業訓練所，扭曲大學教育成為功利主義的工具，想法並不可取。

2022年DSE快將放榜，不妨參考一下2021年JUPAS的10大搶手課程！（按圖了解）

延伸閱讀：【大學收生】港大宣布特別收生安排　鼓勵受疫情影響DSE考生

延伸閱讀：【學科出路】讀文科搵工好煩惱？　6個文科畢業生熱門行業

延伸閱讀：【學科出路】讀完理科唔等於「嘥銀紙」　盤點5個理科生熱門行業