【職涯規劃】香港大學生過剩？網民提議將Band 3中學轉為職業導向學校

2022-06-29

上一代人常說「知識改變命運」，但在現今社會遍地都是大學生，學歷通脹、學位貶值的問題，令不少大學畢業生只能做薪水低微的「文員仔」，甚至應徵保安。針對香港大學生過剩現象，日前有網民在討論提議將一些Band 3中學轉為職業教育學校，讓成績差的學生提早學一門實用性技能，而不是浪費時間及金錢在大學研究學術。此帖文引來大量網民回覆，掀起激烈討論。

延伸閱讀：【職涯規劃】畢業生勸大學生要做4件事鋪排前路　網民批評：Plan得幾多？

為甚麼樓主會有這個提議？（按圖了解）

+19

+18

樓主：「DSE連5條2都考唔到嘅，仲讀咩傳統學術科目。與其高中坐3年，不如讀啲職業導向嘅嘢好過。你睇下幾多香港大學生讀完4年出嚟都係做文員，香港跟本無咁多相應大學生職位。學歷貶值得好嚴重，咁多大學學位完全係浪費資源。99%嘅入職ACO都係大學生，但係入職ACO其實只需中學畢業就得。」

「將高中3年學術嘢轉做讀職業導向課程，可以慳返大學4年時間同埋學費。就算唔係高中轉晒去做職業學校，香港真係唔需要咁多Asso同HD。應該將大部分Asso同HD轉做職業導向，例如2年制中廚、髮型高級文憑。讀完一樣有資歷架構認可，咁樣家長會唔會容易接受啲？好過依家有工無人做、有人無工做，大量藍領工缺人。同時白領工供應太多，令到白領工被資方壓價好嚴重，職場人力完全係錯配！」

網民意見：
網民A：同意，大學應該畀少數人去讀，培養精英，同職業學校分開。

網民B：咁咪即係返去廿年前嘅制度？中三淘汰一班人，中五會考再淘汰，中七A-level再淘汰，剩低嘅先讀大學。

網民C：香港無工業無農業搞條毛咩？工廠晨早摺晒搬咗上大陸幾廿年啦……

網民D：就算白領藍領人工相約，藍領社會地位始終較低，好辛苦又易受傷，都好令人卻步。

網民E：呢個唔係大學生多少嘅問題，而係香港產業單一問題，樓主你本末倒置。

網民F：喺香港發展職業學校無人會有好處，學生唔會賺多咗錢，老闆都仲係想請大陸勞工。其中一個例子就係近年有人想將醫療行業職業學校化，但最後我諗政府係想行海外專才路線。

網民G：同意，之前中學畢業用咗10萬讀ASSO，最後出嚟做緊啲唔關事嘅嘢，又要還錢畀政府。

網民H：其實好似德國嗰套教育體制咪幾好，藍領白領都係平等，只係大家行唔同路線同埋叻唔同範疇。

網民I：轉咗之後邊有製造產業畀佢哋做高級技工咩？外國有農工業海洋學校，係因為畢業之後真係有相應職位。而且香港初高中一齊上，咁做咪等於小學腦筍都未生埋就一試定生死。

網民J：政府搞職業導向啲資源都擺落VTC、IVE度啦，點會另外畀資源中學搞？

網民K：其實我覺得以前考CE+AL係最實際，好過夾硬迫一班讀唔到書嘅人讀。

網民L：香港應該學德國設立技術型大學，出咗好多工業人材，做幾年嘢又可以返去大學進修，成個結構好好多。

部分網民認同樓主的提議，認為香港可以參照德國的做法，設立技術型中學或大學，培養更多工業人才，讓一些志不在學術的年青人提早學習技術，免得浪費時間在不合適的範疇，日後可間接提升藍領的社會地位。不過，有網民指樓主本末倒置，最大的問題是香港產業單一化，市場上根本不夠工業、農業、製造業的相應職位。即使開辦更多職業導向學校，也不會有人願意報讀，「無持分者會獲得利益」。你認同嗎？

隨著學歷通脹，一張大學畢業證書只是求職的基本門檻，即使是碩士生也有機會失業。這個問題困擾不少畢業生，紛紛感到心酸，對前途十分迷茫。

畢業生心聲︰（按圖了解）