【胡亂泊車】亂泊路邊阻救護停車 救護員︰錯過治療黃金時間 你過意得去?

「請讓路給救護車」,這是駕駛者的基本常識。不過香港有好多司機似乎過份自私,為了自己停泊自己的車輛,忘記保持道路暢通及安全,不惜犯法違泊。最近有救護員在Facebook專頁「公務員secrets」大爆工作時的辛酸,「成條街左邊同右邊都泊晒死車,成條行車路得返嘅空間,只係僅僅夠一架救護車,用好慢嘅速度先可以前進。正當佢哋三兄弟 (救護員)落車拎好晒裝備,準備上去老人院做嘢嘅時候,周邊嘅車房員工同的士司機就開始對我哋大聲喝罵!」而救後護員當下為救人,沒有理會那幾位市民,事後救護員就表示因為當時有人胡亂泊車,令其他車輛無法正常使用道路,「救人嘅嘢,一秒就一秒,如果因為你哋一時方便,令傷病者延誤送院,錯過治療嘅黃金時間,你過唔過意得去?」

延伸閱讀︰【公務員內幕】做確診Case都冇Full Gear? 救護員網上呻︰無人理我哋…

延伸閱讀︰【網絡熱話】遇老翁暈倒被斥見死不救 車長千字文回應:我哋係人唔係神

救護員︰冇人會想阻住條路
面對市民的責罵,該名救護員並沒有反駁,但事後就在Facebook出分享經歷,希望大家一人做多一步,「坦白講冇人會想阻住條路,冇人會想阻住人發達,如果可以,梗係希望天下太平,少啲人叫救護車啦!」

雖然最後婆婆完成被送往醫院接受治療,但事件反映好多市民只顧個人利益,沒有顧全大局,假若日後因為街上有違泊的車輛,而阻礙救護員救治傷患者,正如該救護員所說,「但救護員嘅存在,係為有需要嘅傷病者治療。救人嘅嘢,一秒就一秒,如果因為你哋一時方便,令傷病者延誤送院,錯過治療嘅黃金時間,你過唔過意得去?」

延伸閱讀︰退休救護員心痛郊野被污染 自組義工隊清理2734袋垃圾

延伸閱讀︰頂薪逾$6.7萬 《火速救兵》揭救護工作唔易做

Look out for further updates on our Facebook fan page!

Looking for jobs?