【讀者投稿】公司開會文化好反智 全日8個鐘無離開過會議室

好多公司都有開會文化,開會的原意本來是想定期了解員工工作進度及討論實質議題。不過漸漸發展成一種流於表面的官方動作,更像是「為開而開」。有些老闆更開會成癮,一天到晚都要求下屬匯報進度,有網民更曾試過連續8小時都在會議室,連辦公、食飯的時間也沒有。

延伸閱讀:【職場熱話】住得近公司好爽?網民:一有突發事奉旨叫你返去做

早前讀者陳先生(化名)向我們投稿,他指廣告公司開會文化十分嚴重,平均一天有兩個會議,包括部門及小組會議,每次均耗費至少2小時。「老闆成日話想知道我哋有咩新Idea,唔介意我哋每日分享生活趣聞、拋橋,仲話大家唔做嘢都得,要一齊討論先會Work。」但是每次會議都得出的成果屈指可數,更似「吹水大會」,開完後已經失去半天工作時間,到頭來又要OT,令他覺得浪費生命,沒有意義。

他表示最嚴重的一次,曾試過全天8小時都待在會議室裏,連食飯叫外賣都在開會。「最無奈係每個會都唔關我事,但係老闆叫我留低學下嘢,我就拎住本簿同支筆,係到亂抄Notes,坐足8個鐘,好彩無瞓著。」結果當日他什麼公事都不能完成,唯有將工作帶回家,趕在星期六日加班,變相失去假期。

陳先生認為,以他過往的工作經驗,普遍亞洲公司開會次數較頻密,而外資公司傾向用電郵或WhatsApp討論,較少規範。「感覺上亞洲老闆擔心員工偷懶,所以先開會,而唔係真係為咗討論實質嘢。其實重要會議一星期一次已經好夠,每日開會匯報嘅嘢基本上一樣,好似聽緊錄音機咁,又有乜意思呢?」以上反智的開會文化,不但令他的工作效率降低,還影響心理健康。

點樣先令會議變得有效率?(按圖了解)

延伸閱讀:【返工血淚史】網民怒數公司10宗罪 開會至少發言一次未算慘

延伸閱讀:【職場熱話】打工仔返工返到好受氣 5個方法拒絕做受氣包

延伸閱讀:【職場熱話】同事親上加親變鄰居 網民:無晒私隱好唔自在

香港首創 WhatsApp 搵工平台「搵工快」上線啦!八大行業 2,000+ 前線、兼職、散工等你申請!Click 入去打開 WhatsApp,然後發送對話,3 個 steps 內搵到啱做嘅工!你仲可以選擇直接 WhatsApp 僱主添!

Look out for further updates on our Facebook fan page!

Looking for jobs?