【讀者投稿】前上司問同事借錢 打工仔:叫佢還錢仲被鬧番轉頭

正所謂「談錢傷感情」,無論是朋友還是同事,最好沒有牽涉金錢瓜葛,否則很容易反目。最近收到讀者Queenie(化名)投稿,表示被前上司曾經向她借錢,她就聯絡前公司的其他同事,好讓他們提高警惕之際,才發現上司不只問她一個人借錢。

即睇Queenie分享:

1/之前喺某公司返工,上司有多年經驗,做事認真、性格隨和,當時公司同事都幾鍾意佢。

2/後來因為個人原因,我離開咗某公司,之後就無特別同嗰位上司聯絡。
3/有一日突然收到上司嘅Message,問我近排過成點。
4/嗰陣咁啱失業,就同佢寒暄幾句,嗰陣都唔覺有咩問題。
5/點知佢突然同我訴苦,話自己無返正職,靠Freelance搵食。

6/ 佢話啲Job仲未收到錢,失咗預算,想問我借住幾千蚊先,話會盡快還俾我喎。

6/ 但嗰陣我都無嘢做,咪講聲唔好意思,推咗佢就算囉。
7/之後我即刻同以前啲同事講,諗住叫佢哋小心啲囉,點知佢已經問緊我另一個同事。

8/聽以前啲同事講,佢之前已經試過問人借錢,仲要之前嗰啲未還俾人,又再問人借錢。
9/試過有人借咗錢俾佢,之後想追佢還錢,點知俾佢鬧得好勁,話佢好追佢還錢咁話。

10/問人借嗰時,就講到自己好慘,仲話會盡快還錢。

11/ 到人哋追佢錢,佢就原形畢露,一啲唔好意思都無,仲鬧返人轉頭。
11/嗰件事之後,佢借錢唔還件事就通哂天,個個都由尊敬佢,變成睇佢唔起,無人肯借錢俾佢啦。

其實曾經做過同事,也是一種緣份,能幫得上忙,都會盡量幫忙,但利用別人念舊情這點去借錢,不還錢加上惡人先告狀,就真的是太討人厭了。

延伸閱讀:【職場人際】想和同事保持友好關係?聊天時要避開8個陷阱

延伸閱讀:【香港生育問題】老婆唔做嘢 地盤老公借錢生仔 被朋友鬧︰無錢就唔好生

 

身邊有同事經常問你借錢,又不知道怎樣拒絕他?只要學識這3招婉拒,就不用再怕啦!

Look out for further updates on our Facebook fan page!

Looking for jobs?