【讀者投稿】同事玩小圈子 成日屈同事做錯嘢 打工仔︰老闆日日食花生

相信不少上班一族都希望可以在一個相處融洽的環境下工作,不過有時事與願違,有人的地方總會有是非,特別在大公司工作,不擇手段上位、是非當人情這些並非新鮮事,不想被無謂事情影響工作,不如先改變自己心態吧。讀者Peter (化名)最近投稿,指公司有位新女上司入職後,隨即改變大家的習慣,「日日搬弄是非,仲成日老屈同事做錯嘢」,認為這種職場文化不要得,最弊的是...「老闆食花生食得好開心!」

延伸閱讀︰【職場文化】扮friend、認叻 身邊有冇呢6種乞人憎同事?

新女上司搞亂公司  Peter︰唔想睇住公司衰...
Peter任職某間上市公司,主要處理推廣的工作,本來公司同事關係幾好,沒甚麼大是大非,惟最近有位女經理上任後,迅速改變公司文化,令Peter非常頭痛︰「本來大家啲嘢各有各做,有時一齊食飯,感情都幾好,但嗰位女經理一上任就搞搞震,又玩分化又搬弄是非咁,好多同事為咗同嗰個女經理打好關係,就黐埋去一齊玩分化,好似唔同佢哋一黨就係敵人咁,有次過份到明明有個男同事無做錯嘢,係女經理做漏嘢,個女經理居然屈返個男同事轉頭,話男同事做嘢差,無交帶之類,搞到男同事嬲到上心口!」Peter已在公司工作多年,從畢業開始已在公司打拼,他表示不想因為該名女經理新入職,就將整個文化完全改變,他說︰「我真係唔想睇住公司衰...」

延伸閱讀︰【職場熱話】老細約單獨食飯 去唔去好? 網民:一係想炒你 一係想……

有競爭先有進步?Peter︰呢句說話難聽過粗口
有競爭才有進步,這句說話從小就聽到,不過如果用在不適當的場合上,不但無助競爭,更可能有反效果,Peter的公司就是一個好例子。「每日返到公司,成班人就圍埋講某幾個同事嘅是非,有時就行去女經理個位度,望住其他同事係咁講嘢,雖然聽唔到佢哋講咩,但係都好明顯係督緊同事背脊,又或者講緊八卦啦。其實老闆都知道成Team人啲關係唔同晒架,不過佢有次開大會話公司要有競爭先有進步喎,我聽到呢句嘢之後真係嬲咗,真係唔明呢啲係咩競爭,講是非就係競爭?督背脊又係競爭?真係難聽過粗口...」他激動地說。

延伸閱讀︰【職場熱話】返工返到喊係人生必經階段? 網民:代表你係時候唔撈啦!

在職場上,以為事事遷就別人,就是做對的事?其實太好人都是錯!不想總是成為職場上的犧牲品,適當的反撃是必須的。正如以下有3種人,常常被視為欺負的對象,你又是其中一人嗎?如果你在公司遇到難頂同事,又可以怎樣應付?﹙按圖了解﹚

 

延伸閱讀︰【職場熱話】同事平時日日OT 有日準時走 上司:佢咁急要走?

CTgoodjobs 推出全港首創 WhatsApp 搵工平台「搵工快」,八大行業 2,000+ 前線、兼職空缺等緊你!

Look out for further updates on our Facebook fan page!

Looking for jobs?