【讀者投稿】有錢Full Pay買樓無錢買茶包?男同事偷公司用品轉賣東窗事窗

公司出現小偷斷正?日前收到讀者王小姐(化名)的投稿,她指公司出現貪小便宜的男同事,經常拿走茶水間食品、客戶禮物、公司滑鼠及影印機等等,放到網上平台轉售獲利。其他同事不恥他的行為,更指他「有錢Full Pay買樓,但連公司茶包都唔放過」,於是「放蛇」揭發其惡行。

延伸閱讀:【職場熱話】 打工仔最想WhatsApp加咩功能?網民:預設時間Send信息射波

大部分公司都會提供文具、茶包、零食等公家物品予員工,締造一個舒適的工作環境,可是並非每個員工都有足夠自律性,甚至將公家物品轉售他人從中獲利。在某大財務公司工作的王小姐向我們表示,公司出現一個貪得無厭的極品Admin男同事,「近來我哋發現茶包同零食消失得好快,有人見到佢經常出現在各層的Pantry,於是懷疑佢係咪拎咗返屋企自己飲。」

接著有同事偶然在網上平台發現,有一個帳戶出售很多與公司相似的二手產品,例如滑鼠、影印機、鍵盤、電腦袋等,「佢賣嘅brand同我哋office用緊嘅一樣,有一張相個背景仲影到office個地毯。個帳戶仲有賣之前公司抽獎抽中的禮物,令我哋更加確定係佢。」

即睇同事偷咗咩?(按圖了解)

王小姐指出,該Admin男同事生活並非處於拮据狀態,年初更與同事分享自己Full Pay購入一手私人樓宇自住,根本無需貪這些小便宜。「佢平時官仔骨骨,而且用錢算豪爽,點解仲要賣公司物品,咁做真係好無品。」又猜測他應該趁公司盤點的時候,靜悄悄拿走一些舊物品,放上網轉售。

其他同事不恥他的行為,於是裝作顧客「放蛇」購買他的產品,最終揭發其惡行告知上司。公司為了息事寧人,只出了一封警告信,王小姐稱該男同事已經成為大家的眼中釘,沒有人再想跟他接觸。大家在公司有沒有遇過類似情況呢?

延伸閱讀:【職場人際】聽到同事咁講即刻反白眼!5句職場上最乞人憎的說話

延伸閱讀:【職場熱話】好上司幫下屬做擋箭牌 網民:前世應該做咗好多好事

延伸閱讀:【讀者投稿】盤點自私鬼放Lunch怪行!打工仔投訴有人打邊爐︰食到成陣味

 

香港首創 WhatsApp 搵工平台「搵工快」上線啦!八大行業 2,000+ 前線、兼職、散工等你申請!Click 入去打開 WhatsApp,然後發送對話,3 個 steps 內搵到啱做嘅工!你仲可以選擇直接 WhatsApp 僱主添!

Look out for further updates on our Facebook fan page!

Looking for jobs?