【讀者投稿】無能上司好惡頂 老闆講咩都照做 連累下屬受苦

在職場上一個有領導能力的上司很重要,他除了可以帶領下屬有效率地完成公司任務,更擔當著管理層與員工之間的橋樑,適時向上級反映下屬的工作狀況,營造更和諧的工作環境。偏偏這個世界有很多無能主管,只懂做老闆的「跟尾狗」,唯唯諾諾,令下屬屢屢受苦,每日OT更捱出病來。

延伸閱讀:【返工血淚史】狂燥上司OT開會潑水!網民﹕刻薄上司都係奴性下屬縱出嚟!

近日我們收到讀者廖小姐(化名)的投稿,她向我們訴說上司的無能,令一眾同事怒火中燒,更有人因為她太廢而辭職。「部門經理嚟咗公司都有一年幾,一開始大家都覺得佢好Nice,好肯教新同事做嘢。佢自己都好勤力,凡事親力親為,成日OT,老闆都好鐘意佢。」

同事日日做到11點
不過當工作量逐漸變多時,廖小姐及同事覺得已超乎他們能處理的範圍,於是向經理反映問題。「我哋成team人連續兩星期都做到夜晚11點,仲有同事做到病都照頂硬上。所以我哋想佢幫手同上面講,睇下有無機會請part time減輕大家的壓力,或者調整工作日程。」

經理無反映 同事裸辭
經理表示自己好明白廖小姐及同事的心情,承諾會盡量向上級反映問題。不過當一星期後開大會,老闆再度提出新工作時,經理不但快速答應盡快完成,更指人手充裕,令一班同事「反白眼」。「佢每次淨係識認同老闆的想法,一啲個人意見都無,明明有啲嘢短期內無可能做到,佢都拍晒心口話OK。佢自己做死就算,點解要我哋陪佢癲。」

廖小姐表示,無論他們多次投訴,經理也沒有為他們爭取任何福利或改善措施。更有同事忍無可忍,寧願裸辭也不想再留在這個極不健康的工作環境。「呢個經理真係好垃圾,我諗好快所有同事都會走晒……」

面對無能上司有咩方法應對?(按圖了解)

延伸閱讀:【職場熱話】上司Whatsapp叫人做嘢唔計OT 網民:諗緊係咪應該祼辭

延伸閱讀:【職場熱話】一人一個好上司應有特質 網民:唔會為咗外人犧牲下屬

延伸閱讀:【職場熱話】放工早過上司走 講「無乜嘢我收工先」好虛偽?

 

香港首創 WhatsApp 搵工平台「搵工快」上線啦!八大行業 2,000+ 前線、兼職、散工等你申請!Click 入去打開 WhatsApp,然後發送對話,3 個 steps 內搵到啱做嘅工!你仲可以選擇直接 WhatsApp 僱主添!

Look out for further updates on our Facebook fan page!

Looking for jobs?