【讀者投稿】盤點自私鬼放Lunch怪行!打工仔投訴有人打邊爐︰食到成陣味

最近經常落雨,無得出街食Lunch,為了不想淋雨,很多打工仔都情願叫外賣或帶飯。不過,全間公司在同一時間叮飯,少不免有爭執,而最近讀者黃先生投稿,表示他公司有女同事因為叮飯而吵大架,消息更傳到老闆耳邊,要高層介入平息事件,令他覺得「食餐飯啫,有冇咁誇張」。

延伸閱讀︰【讀者投稿】收到Offer拖足三個月都無工返 網民:寧願佢唔請我

公司多人叮飯  引發職場罵戰
打工仔回復正常上班模式後,發現多了同事選擇在午飯時間,留在辦公室吃飯抗疫,不過亦是這個緣故,引發黃先生公司同事罵戰,黃先生說︰「呢兩個禮拜明顯多咗人喺公司食飯,每日返到去個雪櫃都爆晒棚,而每次差唔多到Lunch Hour,啲同事就衝晒去Pantry排隊叮飯,好誇張。」黃先生表示他的公司很多人,接近50人Share一個茶水間,而微波爐又只得兩個,想準時食飯的話,有時更要早半小時開始排隊。

黃先生續說︰「其實每日都聽到好多同事有怨言架啦,但係人咁多,微波爐就得兩個,一係就排隊叮飯,一係就出街買或者買外賣,都無計架。不過有日就誇張啲,有位女同事唔知其他人跟機叮飯,直接將自己位飯盒放入微波爐,被另一位女同事知道之後,即刻走去Pantry鬧嗰個人,話佢打尖無禮貌,嘈到全層樓都聽到,最後連老細都知添呀。」黃先生話到最後,要高層介入事件,決定添置多部微波爐讓同事使用。

延伸閱讀︰【讀者投稿】哥哥無業但想結婚 妹妹:問完父母又問我借錢

叮飯叮到鬧交未算誇張 最激係…
黃先生的真實故事,相信引起不少讀者共鳴,不過叮飯吃到鬧交未算最誇張,黃先生表至有同事喜歡午飯時間在公司打邊爐,最令人頭痛︰「有位同事好鍾意喺公司打邊爐,佢買咗嗰款而家好興啲一人鍋,有時會買定啲菜、丸、肉放喺雪櫃,到差唔多Lunch就會去Pantry洗菜,咁都算嘞,最衰就係食到成間Office都係邊爐味,聞住嚟食我啲頹飯,多謝晒…」

延伸閱讀︰【讀者投稿】女朋友月薪4萬 男友:佢搵得多過我 但唔肯AA制

延伸閱讀︰【讀者投稿】遞信辭職被老細挽留 最後加$500人工你點揀?

 

香港首創 WhatsApp 搵工平台「搵工快」上線啦!八大行業 2,000+ 前線、兼職、散工等你申請!Click 入去打開 WhatsApp,然後發送對話,3 個 steps 內搵到啱做嘅工!你仲可以選擇直接 WhatsApp 僱主添!

Look out for further updates on our Facebook fan page!

Looking for jobs?