comScoreTag
10大散水餅排行榜

每年派花紅過後,日日都好似有人last day,對於打工仔而言,劈炮前都有些不明文規定,派散水餅為其中之一。不少人因此而「R爆頭」,究竟邊款「餅」最多人買,邊款最受歡迎?

第10位︰騎呢野
珍寶珠、棉花糖、糖水、甚至是生果。你懂的,要突圍而出令同事留下深刻印象,只好出此對策。

第9位︰蛋撻
想買但又不想破費,蛋撻的確是最經濟實惠。但要注意時間控制和衛生問題,因為冷掉的蛋撻口感不一,食用時亦會產生不少碎屑。

第8位︰朱古力
穩陣選擇當然少不了朱古力,有甜到入心的效用又不失高貴。選購時,要注意種類的選擇及口味,建議買中價位有多種口味的盒裝朱古力。

第7位︰馬卡龍
雖然已難以考究馬卡龍何時在香港興起,但憑著其百變外形及多元口味,近年已成為散水餅的熱門之選,而且一粒的價錢只是約$10,屬中等價位。

第6位︰曲奇
原本市面上「Mrs. xxx」曲奇比較多人選擇,但近來不少打工仔不惜落重本訂製糖霜曲奇,再加上感謝字句,食得睇得之餘,又有意思。

第5位︰整個蛋糕
如果公司人少少,不妨考慮下買全個穩打穩紮口味的蛋糕(如芝士、朱古力),既可表達心意,又有分甘同味之意。

第4位︰Cupcake
除有不同顏色,還有卡通造型,單是賣相已足以令同事「嘩嘩」聲。雖則如此,但cupcake亦經常被評為「好睇唔好食」,而且每件價錢一般都要雙位數。

第3位︰西餅
被視為「有啲行」但又可以填肚的選擇。若同事散水幾乎每次都是西餅收場,想要出奇制勝,那就不如精選3大西餅龍頭以外的餅店或小舖。

第2位︰自製甜點
可以是蛋糕、曲奇、布甸等好西,只要是自己動手做,總會比外賣來得有心思,唯要注意運送及保存方法。

第1位︰「我係唔請,咁又點?」
不用說散水餅的質素,時下就連劈炮都有機會是「即日生效」,所以能否吃上一件餅,就要隨緣了。


Look out for further updates on our Facebook fan page!

Related Articles

More