comScoreTag
FancyBox
FancyBox

Workplace Gossip

【2017預算案】打工仔N個使錢陷阱





文︰魏民菁

spendingmoney

每逢年尾,都是打工仔最期待的畫面。節日假期多,暗示返工日數少,打工仔有更多休息機會。但你有沒有發現,未到2017自己份糧已經使得七七八八,糧頭變成糧尾,甚至副身家都開始縮水。請假、旅行攻略睇得多,有無諗過為自己定立一份2017財政預算案,實行儲錢大計?在未知薪酬調整比率前,就務必好好計劃以下各方面的支出︰

1/ 聖誕x除夕
買禮物、食大餐、夾錢開P等等等等,先不用說各店舖的減價威力,節日效應下商家重新包裝產品再借故加價是常識吧,因此單看最初提出的3個事項,都足以令打工仔血本無歸。

慳啲啲應對法︰可實行環保式DIY交換禮物法,又可親自炮製聖誕大餐,實行親手製造聖誕驚喜。

2/ 農曆新年
「其實自己一個更開心」可能是對的。事關如果你是單身一人,拜年時只要頂得住親戚們「貼心的關懷與問候」,一直保持良好的面部表情,再加上幾句賀年說話,利是錢便可袋袋平安。假若你已經成家立室,就可能要預備一筆資金用作封利是之用。另外,當然少不了辦年貨、食團年飯、酬神祈福等有關開支。

慳啲啲應對法︰利是方面可以先作估算,並及早預留相關使費。至於入年貨,建議到不同店舖(包括網店)格價,亦可利用計算信用卡截數日期等方法安排支出。

3/ 復活節
當大家在紀念耶穌復活時,即暗示交稅的季節又來了,這可能是打工仔的死亡之月。

慳啲啲應對法︰與其坐以待斃等收稅單,倒不如事先參考自己的人工,以及過去交稅紀錄去評估來年的出血程度。

4/ 其他日子
大時大節過後,並不代表戶口結餘會回復正常。當朋友派出一個紅色炸彈,網上突然彈出平機票優惠,又或是某某心儀牌子大減價,即時殺你一個措手不及,整份糧自動奉上。

慳啲啲應對法︰收到紅色炸彈後,可視乎與邀請者的相識程度,再決定是否出席;至於其他個人消費,最緊要一個字︰「忍」!

延伸閱讀︰
- 物價樣樣加打工仔生活有幾難捱?

- 搵啱工9大徵兆(雖然你可能唔覺)

- 打工仔年度結算年頭大計未「找數」?

- 【盤點】辦公室有幾多種小圈子?

- 【又到聖誕】打工仔的5種無奈

上載日期︰2016年12月28日


讚好 CTgoodjobs 專頁,獲取更多求職資訊!

Free Subscription

Email