3大方向 教你答:點解想做呢份工?

3大方向 教你答:點解想做呢份工?
CTgoodjobs 編輯部
「點解想做呢份工?」見工面試聽到這條問題,大部份求職者的心底答案都應該是「為份糧」,不過這個過份現實兼誠實的答案當然不能宣之於口。其實只要跟從三大方向,即使平凡得不能再平凡、現實得不能更現實的答案,一樣可以突圍而出!

3大方向:有心、有力、有計劃

1/ 有心︰興趣
求職者可從心儀行業、應徵公司及職位著手,反思「為咩想入呢行?」、「點解想做xx而唔係yy?」等基本問題。闡述對企業的興趣時,不妨借用招聘公司的理念、文化、產品或服務作為有力依據,趁機突顯對公司的深入認識,增強說服力。

回答示範:
「貴公司一直都以獨特嘅市場推廣同客戶服務見稱,而我尤其欣賞你地創新求變嘅經營理念,就好似啱啱過去嘅聖誕推廣活動入面……(舉例)」

2/ 有力︰經驗及技能
無論搵工還是打工,既要有心亦要有力。求職者要推銷自己,都離不開經驗值與能力值。建議求職者從招聘廣告找出3至5項最關鍵的入職要求,並針對相關條件力陳個人優勢,繼而帶出可對公司作出的實質貢獻。

回答示範:
「我能夠勝任呢份工。正如CV所寫,我具備呢個職位所要求嘅技能,如XXX、YYY等。另外,我亦有3年喺外資公司從事項目管理同推廣工作嘅經驗,熟悉ZZZ……(舉例)」

3/ 有計劃︰職涯發展

面試時,建議求職者無論如何要將應徵職位的發展潛力,連繫到個人職涯規劃上,強調貢獻公司的同時,亦得以提升自己,兩者一同成長;闡述時,決心和抱負更是重點,務求將進取一面呈現在面試官眼前。

回答示範:
「我自細對設計就好有興趣,畢業後一直從事插畫工作;呢幾年嚟都好積極咁製作自己份Portfolio,能夠加入貴公司成為插畫師對我嚟講有重大意義,因為……(舉例)」
Look out for further updates on our Facebook fan page!

Related Articles

More