comScoreTag

6 種最黑人憎的同事 小心自己做咗都唔知

6 種最黑人憎的同事 小心自己做咗都唔知
打工仔每日有三分之一時間在工作中度過,分分鐘對同事多過對屋企人。而同事當然有好多種,有義氣仔女,亦都有係你背後篤你嘅小人。
以下6種最黑人憎嘅同事你又遇過未?仲要小心唔好做以下6大行為,令同事討厭你。

1. 認叻型同事
呢種同事好鐘意咩都認叻,為了令大家關注佢,佢可以將公司大小事都講成係佢嘅功勞。

2. 擦鞋仔
呢種同事做唔做得嘢就見人見智,不過佢就絕對好識討老細歡心。同佢哋合作要小心,因為有咩做得唔好,呢種同事就會咩都話係你錯,以佢同老細嘅關係,老細信邊個,就真係無人知曉。

3. 經常發出聲響
呢種同事有種壞習慣,好鐘意發出一啲奇怪嘅聲音,而佢自己未必察覺。例如:轉筆、著高踭鞋產生的聲音,大聲講電話又或是食lunch時發出的咬合聲音等。要小心自己有否不經意地發出這種重複的聲音,而免影響他人。

4. 同你「懶Friend」
呢種同事可能好希望同同事維持良好的關係,又或者可以似朋友般相處。不過要留意關係其實強迫不來,對方會否想保持自己私人空間等等,唔好勉強他人。

5. 情緒化
有一類同事很容易將喜怒哀樂表現出來,有時候工作上難免有爭執,遇著呢種同事,他們很難管理自己情緒,甚至會在工作上爆發,又或是大事小事都無病呻吟,令團隊工作氣氛變差外,更令其他同事無所適從。

6. 是非精
表面笑騎騎,背後放毒蛇就是呢種人。他們很喜歡將同事的八卦,不論是公事私事都跟其他同事分享。所以在職場上你跟同事所說過的話,要有心理準備可能全公司都會知。
Tags:
Look out for further updates on our Facebook fan page!

Related Articles

More