comScoreTag
FancyBox
FancyBox

Job Market Gossip


Job Market Gossip

論盡辦公室八卦,同一眾打工仔秒殺公司內人情世故、蜚短流長,做個稱職 career man / career woman。宗旨︰懂得做事,亦要懂得做人。


80後笑90後

董德少

80s and 90s
每個時代都有每個時代的「經典」,沒所謂「一蟹不如一蟹」,就算有,亦不過是五十步笑一百步而已。

「德少,有無時間講兩句?」舊同事P無事不登三寶殿,小弟有幸成為他的「最後殺著」——題外話,其實這樣就好,酒肉朋友我做不來,亦不想做;但求老朋友有事要「幫拖」時想到我。「所為何事?」我問。

「公司請咗個90後新仔,我真係搞佢唔掂投晒降,而家啲後生真係叻到呢……」K開了個這樣的頭。我大概知道故事發展,不過仍然扮好奇︰「點叻法?講嚟聽下。」無非不好意思潑他冷水︰「後生仔係咁架喎。」

K曾經是我的「後生仔」同事,而「風水輪流轉」,今日就輪到他站我的立場面對他自己搞過的「屎棍」。我暗笑︰「你以前咪又係咁,重唔輪到你受!」

「激死我!佢返工先得嗰兩日,個樣我都未認得切;到第三日,我問佢之前交帶佢做嘅事做成點,佢竟然同我講︰『唔好意思,我今日先第一日返工頂xx個位,唔知你交帶過乜嘢喎……』」

「哈哈哈,唔係呀嘛?真係鑊鑊新奇鑊鑊甘!」對不起,要嫌我笑點低就儘管嫌吧,我真的忍不住笑。「唔係發生喺你身上……你咪當笑料囉……」K無奈。

「你唔記得咗拿……想當年,係邊個瞓到唔知醒返工,要我奪命call?又係邊個開會時俾人質兩句,就衝入我房話劈炮唔撈?」我明知故問。

「我嗰時淨係唔知醒、鬧情緒之嘛……」K駁嘴。

「咁而家人地都係搵個朋友返嚟頂佢個位之嘛……」我完美反撃。心想,好彩你駁嘴——世界上最難應付的,不是駁嘴的鐵嘴雞,而是撇著嘴甚麼都不說的石頭。

每個時代都有每個時代的「經典」,沒所謂「一蟹不如一蟹」,就算有,亦不過是五十步笑一百步而已。「可唔可用我對你嘅包容,去對待而家啲後生仔呢?」最重要是欣賞他們的優點,同時找出不足之處對症下藥。我深信,無論「衰嘢」如何鑊鑊新鮮鑊鑊甘,善意永遠用得著。

「唔通你以為你呢個『得閒講兩句』係理所當然架?!」我唔執輸。

延伸閱讀︰
- 假如沒有遇過x老細……

- 詛咒「射波」星期一

- 「被透明」的散水者

- 成為人地辭職原因之前

- 插手去玩辦公室政治之前

上載日期︰2014年3月3日


以上內容及資料僅屬個別作者的個人意見,並不代表www.CTgoodjobs.hk的立場。CTgoodjobs對因以上人士張貼之資訊內容所帶來之損失或損害概不負責。
Share


Free Subscription

Email