comScoreTag
FancyBox
FancyBox

Corporate Interview

90後創鐘點App 月生意額百萬





香港地好多人的屋企都好亂,但一個懶字,不想自己動手執屋煮飯,惟有找外援代勞。在英國讀法律,又曾在美國工作的九十後Daniel,深深體會一個人住的地方會好亂,想搵人執屋。回港後,他選擇不投身沉悶的法律界,反而想搞點創意,創辦一個方便懶人的App,幫港人搵鐘點執屋清潔煮飯,每月生意額達100萬元。這位創辦人深信,未來最搵錢是「服務」,現引入更多包括按摩、維修、寵物、洗衣、託管及長者照顧等服務,正中不同港人需要。

在英國讀法律,後轉到美國從事通訊App工作的九十後何浩廉(Daniel),在當地體會一個人住的「煩惱」,令他萌生一盤生意念頭。「之前自己一個人住,屋企好亂,想搵人執屋。我覺得有好多我呢?人,Demand應該好大!」於美國工作一年後,Daniel決定回港發展,不過他卻嫌法律較沉悶,要搞點創意,創辦一個叫Lazy App的應用程式,專瞄準一個人住、工作忙碌或上班夫妻族,但又懶又沒有時間執屋的人,只要在App按下幾個選擇按鈕,不消1分鐘就可找到鐘點代勞執屋煮飯。

協助中年婦女兼職搵錢
要執屋清潔,當然要靠鐘點姐姐。Daniel最初在社區中心搵幫手,她們均曾在職業訓練局再培訓,大多是要湊小朋友的中年婦女,在小朋友返放學之間時間,接工作搵外快。這做法令平台可找到專業執屋,也可協助中年婦女重投勞動市場。「我?個App簡單一點,(按所屬地區和工作時間)一早幫個客揀定鐘點姐姐,但其他平台就好似招聘Post一份工咁,會有十幾個人打來話想做,但我?只會有一個鐘點(接單)打俾個客。」在旁的首席營運總監莫志浩(Kevin)不諱言,坊間有類似平台,但指Lazy更簡單快捷。

講到創業成本,Daniel稱要20萬元,後來有其他投資者,集資高達七位數字。與當初成立首月只有30、40張單來看,現每月平均接2,500至3,000張單,生意額高達90萬至100萬元。盡管開業一年仍未回本,但已收支平衡兼每月有一至兩成利潤,而賺到的錢會先用作招聘人手。

Kevin稱,試過有客人一次過請5至6名鐘點到一個單位清潔,要分工剪草、洗泳池、清潔露台、抹落地玻璃等,最後埋單要三四千元。「有些客本身有傭工,但都會請鐘點做傭工的Assistant,理由是傭工煮?唔好食、唔識湊小朋友、做清潔唔夠好等等;又有女生請鐘點煮飯,但要在她和男友回來前完成及離開,等男友以為係女友煮。」兩位老闆分享的個案,原來鐘點姐姐不只鐘點咁簡單。

1500鐘點配對2萬用戶
不過,如何防止鐘點姐姐跳過平台,直接聯絡客人接工作?Kevin不諱言,試過有鐘點姐姐或客人私下與對方溝通,但最後她們都會主動跟平台說出情況。「私下接工作係賺多些,其實都係幾十蚊,但之後不可以再?我?平台接單,這樣客也未必會長久。我們與鐘點姐姐的互信關係好重要,相信無一間公司可以做到。」能建立互信關係,原來是靠平台對鐘點姐姐們的虛寒問暖。「我?的CS(客戶服務)同事,每日都會打俾鐘點姐姐,佢?有時未必識以手機應用(接單),睇唔到張單唔知有工作。我?又會教佢?用Google Map(去工作地點),又同佢?傾偈,問?佢?今日有無?做。」目前,平台約有1,500名鐘點姐姐接單工作。

至於服務方面,由最初只接鐘點執屋,發展到現時上門按摩、維修、寵物、洗衣、託管及長者照顧鐘點服務都有,登記用戶達2萬,當中七成為熟客,定期每隔一周或兩周請人執屋;另又替不少短租單位清潔,每月也接數百張這類單。Daniel深信,「Service」(服務)會是未來最搵錢的生意,目前正向送禮服務概念進發,如幫沒有時間的人購買禮物、收藏禮物,令收禮物的人帶來驚喜。

全文刊於《iMoney智富雜誌》
第493期


讚好 CTgoodjobs 專頁,獲取更多求職資訊!

Free Subscription

Email