comScoreTag

【90後新手】4大職場「怪獸」實例

【90後新手】4大職場「怪獸」實例
CTgoodjobs編輯部

「怪獸」特質不分年齡性別;要成獸,還是成人,你堅有得揀!

話明新手,當然是白紙一張。90後說到底都是年輕,仍是一件入世未深的「小屁孩」,想法稚嫩在所難免。以下4大職場「怪獸」實例,奉勸各位新手千萬要避之則吉;否則,見唔成份工事小,招人討厭、自毀前程事大。

怪獸實例1:「我個個Sem都Straight A,搵工實無難度啦!」
醒未?
攞A笨唔係大哂,高分低能怪獸比比皆是。須知道,要在職場立足,識做人比懂做事更重要。

咪話唔提你:GPA只是面試官其中一個考慮因素,求職者不妨在CV或求職信展示讀書以外的才華,如工作實習、義工服務、社交活動等,營造好學、合群的形象。

怪獸實例2:「成日叫人跟埋啲濕碎嘢,幾時有大Project做啫?!」
醒未?
有HR狠批部分90後好高騖遠,奉行「大雞唔食細米」主義;往往看輕「濕碎嘢」的意義,不屑影印、碎紙、接電話等瑣碎工作,更不明白老闆往往見微知著。

咪話唔提你:態度決定命運,作為一個「我是零」的職場新手,還請時刻保持一顆謙卑的心。「小小嘢都做唔掂,咪話做大事喇!」

怪獸實例3:「晚晚OT咁搏,升職加人工仲唔輪到我?」
醒未?
OT笨唔代表勤力;勤力又未必等於做到野,講完。

咪話唔提你:各位職場新手,不妨畀多少耐性汲取經驗、體會、消化、沉澱,並累積成厚實的人生閱歷;靜待時機成熟,再為自己爭取更優厚的薪酬待遇。更多關於《【咪制!】搵工、傾人工 5大「蝕章」》,按此

怪獸實例4:「咁人地啱啱出嚟做嘢嘛,做錯少少啫…」
醒未?
職場如戰場,無阿爹阿娘撐,更沒有人會因為唔識、唔熟、唔慣而得到「免死金牌」。

咪話唔提你:正如一田CEO莊偉忠所言:「Think small shoot low」。作為食物鏈最底層的一粒薯仔,職場新手必須時刻鞭策自己,專注做好每一件小事,方為上策。更多90後面試膠答,按此

每個人都有黑暗面,「怪獸」特質亦不分年齡性別;要成獸,還是成人,你堅有得揀!

延伸閱讀︰
-【Minions都有】職場上位5特質

-【你懂的】最怕老細廢問10題

- 同老細相處 (1):搭同一架Lift

-【喊出嚟】腦細唔升你20原因

-【返工】10大降產力毒物

上載日期︰2015年7月24日


Look out for further updates on our Facebook fan page!

Related Articles

More