comScoreTag

【CV大翻新】改寫4式︰娘爆變順眼

【CV大翻新】改寫4式︰娘爆變順眼
CTgoodjobs編輯部

搵工, 求職, HR, recruitment, CV, 履歷, 招聘

所謂「不老」,只是傳說而已,世上沒所謂「超級無敵不老CV」。

CV跟人一樣,不思進取的話,一樣會老、會過時。所謂「不老」,只是傳說而已,世上沒所謂「超級無敵不老CV」。不是要所有求職者走在時代「尖啄」,追趕潮流,而是大家都要與時並進。HR一代新人勝舊人,求職者和CV都要更勝從前。

CTgoodjobs編輯部特別綜合HR意見,篤爆以下4大CV娘爆位,讓各位求職者對症下藥,輕鬆而到位地來個大翻新。

娘爆位1:「阿爸的」個人目標(Career Objective)
HR暗窒:
「封封開頭都係話『Seeking a challenging position xxx』,有無得再娘啲?係咪抄阿爸20年前份CV?同埋,而家咩都講以客為本,求職者一味自我中心『我我我』,對『客戶』(HR)有咩意思?」

翻新法:建議求職者選用「Summary」或「Profile」字眼取代「Career Objective」(個人目標);並從「客戶」(公司/ 僱主)角度出發,簡而精地說明個人對公司可作出的貢獻,並重點推銷與申請職位相關的工作經驗及專業技能。

娘爆位2:老套兼唔關事的興趣
HR暗窒:
「追星、煲劇、研究占卜星相呢啲興趣固然out到無譜,亦借問聲……求職者鍾意呢啲嘢,可以為我地公司帶嚟咩實際效益呢?」

翻新法:CV欄位有限,必須字字珠璣。與其花費唇舌介紹興趣搏出位,倒不如投HR所好,加開「個人成就」一欄,力煲過往豐功偉績。

娘爆位3:陳年舊經驗
HR暗窒:
「假如求職者真係認為1x年前嘅入行經過,比近年市場嘅新趨勢、新技能更值得分享嘅話,我地真係想知佢到底知唔知陳偉霆是誰。」

翻新法:CV內容要具體到位,寧缺勿濫,切忌自傳式大包抄。建議求職者只講與應徵職位相關的經驗及技能,最好隨時更新,注入行業最新的技能或資訊,無關痛癢的可免則免。特別一提,CV以2頁A4紙為限;重點放在「F」位(詳情按此

娘爆位4:個人資料大起底
HR暗窒:
「見過有求職者一嚟就晒冷個人資料,連身份證號碼、讀邊間幼稚園、揀偶條件、偶像、鍾意食咩、幾時初戀都寫晒出嚟……我以為睇緊紀念冊。而家咩都興講私隱,呢類求職者應該都係脫節嗰批。」

翻新法:天真豬,別以為將個人資料和盤托出就可增加面試機會。招聘初段,HR篩選重點一般放於求職者的經驗及能力,CV包括姓名、聯絡電話、電郵地址已足夠。

另,為保障求職者的個人利益,敏感度較高的個人資料,如出生日期、婚姻狀況、宗教信仰、政治傾向等,就算被問到亦可婉拒回答;而身份證副本、信用卡號碼和提款卡密碼,更應嚴加保密。

延伸閱讀︰
- 【CV升呢】:6大排版術增「中標率」

- 10大「跳槽易」職位︰開價幾$

- HR破8大求職者迷思(下)

- HR破8大求職者迷思(上)

- CV求職 3招「量化」 HR寧舍寬鬆

上載日期︰2014年8月14日


Look out for further updates on our Facebook fan page!

Related Articles

More