健康休閒

【Dry爆】10招保濕︰明知又唔做？

珍妹

珍妹喜歡秋風送爽，但隨之而來的乾燥問題就搞到人頭都痕埋。

中秋都過埋了，秋意漸濃。（一早知啦！）除了一早一晚要特別注意保暖之外，更要全天候加強保濕，才能保持水潤飽滿、童顏不衰。（係人都知啦！）經驗告訴我們，面、唇、手和腳都是特別容易dry爆的部位，必須細心呵護。（使你講？！）知你又唔做？！

保濕重點1︰面部
1/ 潔淨力過強的洗面奶，會連面上自然保護層都一併洗掉，使面部皮膚更乾燥，建議使用溫和洗面奶。
2/ 洗面過後，應先塗上精華素；再塗爽膚水及面霜，形成3重鎖水功效，使肌底保持水潤。
3/ 敷面膜前，應先去除角質層，有助精華吸收。

保濕重點2︰朱唇
4/ 潤唇膏好多人都識用，但卻忘記餐後及飲水後補塗。
5/ 嘴唇甩皮切忌強行撕掉！應先用熱毛巾熱敷1-2分鐘；待皮膚軟化後再塗上潤唇膏。
6/ 塗有顏色的唇膏前，應先以潤唇膏「打底」，防止色素及蠟質直接滲進嘴唇內。

保濕重點3︰腳跟
7/ 先以溫水浸泡雙腳幾分鐘，浸軟皮膚；
8/ 然後，以磨沙按摩腳跟，有助去除角質；
9/ 最後，塗上足部滋養霜，深入滋潤和柔化腳部肌膚。

保濕重點4︰手臂及手肘
10/ 面膜敷完後，「順手」擦擦手肘，讓乾燥的肌膚吸收一下精華素，既快捷，又方便，而且環保又「慳皮」。

同場加映︰
要由內靚到外，既要「外敷」，亦要「內服」。珍妹特別介紹以下滋潤湯水，做法簡單，相當「女神friendly」。

soup

滋潤節瓜湯（4人份）
材料︰節瓜（2個）、紅蘿蔔（1條)、粟米（1條）、腰果（適量）、南北杏（少許）、雪耳（適量）、無花果（4粒）、蜜棗（2粒）

做法︰
1/ 所有材料洗淨；節瓜、紅蘿蔔去皮切塊；粟米切件；
2/ 全部材料倒進鍋內，加10碗水，大火煮滾；調至文火（慢火），熬約2小時，即成。