【NGO熱話】做NGO一定人工低福利少?網民見工一解4大迷思!

不少人都一聽到「NGO工作」,就會覺得一定人工低兼福利少,敬而遠之毫不考慮。不過可能大家只是道聽途說,未曾真正了解各個NGO機構和其職位吧?

延伸閱讀:【個人理財】失業期間可以點慳錢兼增收入?8個建議你要知!

有網民在討論區「親子王國」上發文討論,自己參與一次舊同事聚會,席間其中一位舊同事提到自己最近去了一間NGO見工,他所申請的是中層職位,即半個管理層的職位。而機構所開出的條件和福利都竟然比他預期的好!不論人工、假期、上班時間、醫療福利等,都比一般私人公司好,實在令他大感意外!

即睇4大福利!(按圖了解)

1. 佢話人工不比私人機構低,因為佢係私人機構申請入去,都係叫返私人公司offer的人工,沒有減薪。 唯一唔好就係冇雙糧同埋花紅,但朋友已經將月薪乘13除12去計,所以都冇蝕到。變相每個月仲出多咗人工。

2. 另外年假都有20日,聽落真係幾吸引。 因為很多私人公司都畀唔到20天大假的福利。

3. 至於醫療,都似話都同大公司一樣,有得報銷。

4. 又有彈性上班時間,兼且聽落冇乜OT,好多下屬都做滿10年或以上。」

事實上,很多做過NGO的網民都表示,其實找到一間好的NGO,福利確是不賴,如果該NGO屬國際規模,福利分分鐘比在私人公司工作好!

即睇網民回應:(按圖了解)

網民:「以上一切條件,聽到大家心郁郁,話說私人公司做OT 到死死吓 , 依家人工差唔多,福利又唔錯,諗落做NGO好似幾好。」

網民:「我做緊NGO低層一年,以上年搵工經驗,在私人構機,中年人士想搵份15K或以上,唔知要等幾耐運才到。低層員工年假14日,另有兩日家事假,打針假, 5天工作,醫療福利(但依個好基本,西醫最多claim$140)。機構可以申請內部轉職。有人做超過30年,我見過機構登勞工署招聘admin 18K。」

網民:「做NGO 都要睇做乜機構、做乜部門、做乜服務、做乜位。唔係間間都福利好,人工得。」

網民:「我做過幾間大的NGO都無試過有醫療,大假一般係比私人機構多,不過都冇你講的20天,有20天嗰啲應該係舊制入職再加上去,NGO工作量愈來愈多,當然要OT,我識的社工同事閒閒哋每晚七,八點先收工。」

網民:「當然不是啦,同職位,年資,新舊制有關,我冇乜聽人有20日,有嗰啲係好耐以前入行,依家都五十幾歲!舊制社工!」

網民:「哦,咁真係間間都好大分別,要做都揀間有福利先, 話曬做開commercial轉NGO會唔慣,都希望有福利compensate返。」

網民:「國際NGO ,20日唔算好多。 早幾個月, 同事搵返到原來行業工作辭職。一年35日大假, 每星期4.5天工作。」

網民:「做過NGO 基層,人工低冇double pay、bonus、年假12日起(舊制30日)。 冇medical insurance,但機構有診所可以幾十蚊睇醫生。每年機構會批一舊錢畀同事claim,但我次次申請都話已經用晒。返工時間有少少彈性,但要返夜或星期六日。Lump Sum Grant,做咗4年人工總共加咗唔夠1200蚊。NGO都分有錢定冇錢機構。」

 

不過,其實NGO還是私人公司,都一樣「有辣有唔辣」,有好有不好,所以有網民指,「做NGO 都要睇做乜機構、做乜部門、做乜服務、做乜位。唔係間間都福利好,人工得。」總之找一間適合自己的公司,人工和福利作考慮就好。

延伸閱讀:【職場兩性】同老公同一間公司工作 好sweet定好麻煩?

延伸閱讀:【個人理財】失業期間可以點慳錢兼增收入?8個建議你要知!

延伸閱讀:【職場文化】新女同事睇落斯文 點知發現廁板有鞋印 之後仲……

延伸閱讀:【職場熱話】排到公屋 需要工作證明 經理竟然嫌煩而拒絕?

Look out for further updates on our Facebook fan page!

Looking for jobs?