【Office有鬼】消防員拯救被困升降機的男人 開門時得返一把……

香港打工仔加班成常態,將近農曆七月十四日盂蘭節,深夜的辦公室會否特別與平時有點不一樣?有沒有總覺得有甚麼在自己附近……

這次記者訪問了幾位不同行業的打工仔,分享各行各業的靈異職場經歷,不知道大家有沒有遇過相類似事件?

撰文:霍芷晴

梓健是一位消防員,除了救火任務外,其實平日處理得最多的是被困升降機的個案,他指:「有關困𨋢嘅鬼故大家可能都一定聽過一兩個吧?我都係,但冇諗過自己都會遇到。記得幾年前,有一晚10點幾11點,我哋收到附近一座工廈有人困𨋢,於是即刻出發去幫手⋯⋯」

延伸閱讀:【Office有鬼】餐廳近收鋪有客人借廁所 侍應:我畀佢去,之後……

梓健與同事到達現場後,先與管理處和保安人員溝通,「我哋想睇咗閉路電視先,睇吓𨋢內情況,例如幾多人、有冇小朋友老人家之類,然後再安排人手同所需工具。但我哋一睇,大家都覺得好詭異,𨋢入面有一個擔住黑色遮嘅男人,見唔到佢個樣,不過佢好似都唔係好驚,仲好鎮定咁企咗喺度。」

𨋢內的回應

雖然大家都覺得很奇怪,但因為正在工作,所以都沒有向靈異的方向多想,只想快點救出男人而已。「我哋即刻上事發樓層救人,好記得當時係由我拍吓道𨋢門,問入面個男人有冇事。」

「冇事呀!」男人以沙啞的聲線回應。

梓健續道:「確認咗𨋢入面嘅人冇事之後,我有同事已經去到𨋢頂,然後就打開𨋢頂活門,諗住喺上面救個男人出嚟,點知!一打開門,入面個人唔見咗,得返把黑色遮喺入面!」

「咁多隻眼同咁多對耳都睇到閉路電視個男人,同埋聽到佢回答, 想話自己睇錯、聽錯都唔得⋯⋯嗰吓大家都呆晒,收隊返到消防局之後,大家都唔敢再提起呢件事⋯⋯」

 

延伸閱讀:【Office有鬼】記者深夜錄音 覺得畀人盯住 仲愈貼愈近⋯⋯ 職場新聞 趣聞 / 熱話

延伸閱讀:【Office有鬼】中環某大廈鬧鬼?都市傳說︰走廊有「無頭鬼」

延伸閱讀:【Office有鬼】OT撞鬼嚇到即刻走 網友︰廁所成日有怪聲 仲有人唱歌…

 

CTgoodjobs 推出全港首創 WhatsApp 搵工平台「搵工快」,八大行業 2,000+ 前線、兼職空缺等緊你!

 

Look out for further updates on our Facebook fan page!

Looking for jobs?