【Office有鬼】記者深夜錄音 覺得畀人盯住 仲愈貼愈近⋯⋯

香港打工仔加班成常態,將近農曆七月十四日盂蘭節,深夜的辦公室會否特別與平時有點不一樣?有沒有總覺得有甚麼在自己附近……

這次記者訪問了幾位不同行業的打工仔,分享各行各業的靈異職場經歷,不知道大家有沒有遇過相類似事件?

撰文:霍芷晴

Poy是傳媒機構娛樂版記者,平日上班需要輪班,工作主要負責採訪藝人明星等相關的新聞,除了外出訪問外,在公司工作時,還需要製作影片,而寫錄音稿、錄旁白都得自己一手包辦。

少人用的錄音室

Poy表示:「我返工時間大多數係3pm至12mn,通常晏晝做晒採訪等工作,夜晚就會做錄音工作,我哋公司有一個錄音房,入面再細分7至8間細嘅獨音錄音室,每四間一邊,左右兩排。我哋通常都係用右手邊嗰排,因為比較容易操作,而左手邊嗰幾間有啲專業錄音器材,比較難操作,所以都少啲人用。」

Poy坦言通常都是一個人入錄音室錄旁白,錄音室有隔音棉,而且有點局促感,加上燈光昏暗,每次都只想快快錄完走人。「而有一次,因為右邊4間房都畀人用緊,所以我就去用左邊嗰啲錄音室。」

有人喺出面?

「嗰次我近12mn先去錄音,諗住快啲錄完就收工。錄音室道門有個玻璃窗仔望到出面錄音室走廊,我錄到中段,硬係覺得有人喺出面望住我,嗰個感覺好唔舒服,但我眼角望瞄到出面一個人影都冇……」

她不敢回頭正眼張望,一方面想快點完成錄音的對白,一方面她很怕看到黑影或更恐怖的畫面,深夜加上寂靜到只聽到自己的聲音和呼吸聲,突然容易令人胡思亂想,「我心入面不停講粗口,希望嗰種感覺快啲消失,我感覺到自己心跳得愈嚟愈快,而嗰種被人望住嘅感覺亦好似愈貼愈近!你明唔明?就好似有個人穿過咗通門,慢慢行到你側邊,最後直情近到喺你耳邊咁!」

本身錄音室的冷氣都比正常室溫低,那天Poy冷得控制錄音工具的手不停抖震,「我完全唔感望!但因為真係感覺近在咫尺,我頂唔順,快快手手save完個檔案就衝出去錄音室……而出到嚟,無論係走廊定係右手邊本身全滿嘅房,都已經一個人都冇,大家真係走得咁快?」

雖然滿腦子疑問,但Poy都不考究太多,收拾東西後便去趕凌晨車。但自此之後,她寧願排隊等用右邊的錄音房,都不會再用左邊的幾間。

Look out for further updates on our Facebook fan page!

Looking for jobs?