comScoreTag
FancyBox
FancyBox

Job Market Gossip


Job Market Gossip

論盡辦公室八卦,同一眾打工仔秒殺公司內人情世故、蜚短流長,做個稱職 career man / career woman。宗旨︰懂得做事,亦要懂得做人。


On Call 24小時 打工仔遇上Mall姐的悲哀




《不懂撒嬌的女人》開播後,不少打工仔都對宣萱飾演的終極上司Mall姐充滿同感,同時對小薯對Mall姐十級忠誠度表示難以理解。返工遇上這種上司,開會有佢講無人講、唔敢請假、24小時要On Call、玩針對、用人唯親,真係一日都「極危險,連思覺也像失調」。



不過,哭泣聲絕無意義。每間公司總存在着一個Mall姐,究竟上司係咪大晒?

「男人會呃你,份工唔會呃你!」

「嫁畀份工好過嫁畀衰男人!」

1. 24小時On Call 半夜放假都要開工
Mall姐控制欲極強,無論工作還是私人生活,員工都要跟足自己。朝早逼同事跑步開會;半夜收到老細奪命追魂Call,要即覆唔準遲;凌晨急call同事返公司改Proposal,甚至連放假都是掛住有公司事務。究竟老細能否強迫下屬休息日工作?

答案:NO

按勞工法例,凡按連續性合約受僱的僱員,每7天可享有不少於1天休息日。若僱員自願於休息日工作,就另當別論。

僱主如無合理辯解而不讓僱員在法定假日、另定假日或代替假日放假,或不支付假日薪酬,可被檢控,一經定罪,最高罰款5萬元。

2. OT無上限 開會禁止廁所
「明知要開會,點解唔一早去定(廁所)﹗」

好多打工仔聽到都一殼眼淚。老細會細數同事去了多少次廁所,一日去4次都會受到老細白眼,認為你唔做嘢。

香港人每周平均工作時間是超過50小時,遠高於全球平均的約44小時。戲內一眾職場小薯都與好多工仔一樣,被迫開OT兼無補水。OT是否真的無上限?

按《僱傭條例》,現時沒有硬性規定超時工作的工資如何計算。要視乎僱傭雙方共識及僱傭合約所列明。

3. 玩針對 用人唯親
Mall姐自認是用人唯親,好似堂妹唐詩詠,永遠都有Mall姐撐腰。如果好似唐詩詠又靚又幫得手,作為Mall姐下屬兼唐詩詠同事,都還可以忍耐。但如果是無能皇馬褂,就真係喊三聲。因為你永遠不能得罪皇馬褂。

全文刊於TOPick新聞
有驚喜,有啟發,盡在TOPick
讚好 CTgoodjobs 專頁,獲取更多求職資訊!

Free Subscription

Email