comScoreTag
FancyBox
FancyBox

Job Market Gossip


Job Market Gossip

論盡辦公室八卦,同一眾打工仔秒殺公司內人情世故、蜚短流長,做個稱職 career man / career woman。宗旨︰懂得做事,亦要懂得做人。


XY $&#&%!^世代之︰唔知你講咩

董德少

XY世代, 同事, 高層, 80後, 理解, 返工, 從不喜歡孤單一個

i dun understand
其實不必因為對方不理解而勉強去說服,亦毋須為著自己不懂對方而進退失據。

「德少,你明唔明佢地講咩?我唔係玩嘢,真係一句都聽唔明。」同事R一臉懊惱,而「唔係玩嘢」的言論亦從他誠懇的眼神中得到印證。此情此景,我亦毋須掩飾甚麼︰「我係扮明嘅。」

「好彩你都唔明,我一度懷疑係我理解能力有問題。」R流露覓得知音的喜悅。為免他太過得意忘形,我重申︰「無可否認,太多人嘅表達能力欠佳,但亦唔排除你嘅理解能力有好大進步空間。」

R是典型80後Y世代,面對公司一班80前(X世代)高層,深感溝通無能是當今勞動市場上的壓倒性現象。所謂「溝通無能」,未必純粹因為「理解力」和「表達力」兩個僅停留在公開試Marking Scheme的層次,現實是往往牽連「觀點與角度」的根本性分歧。

「如果你地可以完全互相明白,就意味你已經老鳥。其實聽唔明就梗架喇,正如佢地都唔會知你想點一樣。或者,你得閒可以為唔明佢地講咩而沾沾自喜一陣。」我蠱惑地笑笑︰「但係而家返緊工、做緊嘢,就要為份糧負責,唔明都要諗啲辦法搞到明。」

我的策略是,盡量聆聽及思考,將要點記下,再慢慢消化;不會強迫自己完全接納對方的看法,不過務必搞清楚自己的思維和關注,以不至在雞同鴨講中迷失自己。唯命是從固然要不得,而過分偏執亦沒有好下場。

「點『搞到明』?」R問。

「將著眼點放喺件事上面,『為件事好』四個字係免死金牌。你睇下彭家麗對住阿主席唱《從不喜歡孤單一個》,泰山崩於前而色不變,就係為咗個騷唔好太難睇。」

我沒有告訴R,其實不必因為對方不理解而勉強去說服,亦毋須為著自己不懂對方而進退失據。只希望他頓悟,做嘢就係做嘢。對事不對人,說是容易,實踐起來得靠修為。

延伸閱讀︰
- 辦公室曱甴︰真人版

- 廢柴基因的亮點

- Recap做得好,邀功無難度

- 玩具「反話」城

- 一招應付辦公室喃嘸佬

上載日期︰2013年10月7日


彭家麗體會版︰


以上內容及資料僅屬個別作者的個人意見,並不代表www.CTgoodjobs.hk的立場。CTgoodjobs對因以上人士張貼之資訊內容所帶來之損失或損害概不負責。
Share


Free Subscription

Email