comScoreTag
FancyBox
FancyBox

Job Market Gossip


Job Market Gossip

論盡辦公室八卦,同一眾打工仔秒殺公司內人情世故、蜚短流長,做個稱職 career man / career woman。宗旨︰懂得做事,亦要懂得做人。


你hea我hea佢

董德少

office hea
好多時對話內容並唔重要,大概大部分人講大部分嘢都唔係啲咩真知灼見,重點係保持connected。

「德少,你知唔知……」同事U最喜歡問人知不知這,知不知那,其實我最想答「完全唔想知」。然而,為了保持辦公室和諧兼職責所在,擠不出極感興趣的表情,都要交下戲,「你講咗我咪知囉。」我笑笑說。

「xxxxx」U說得興高采烈。「哦,係呀?」我淡然。「xxxxxxxxx」U一直發音。是「發音」,因為我只聽到聲音,卻全無內容可言,感覺像水底對話。「嗯。」我hea應。「xxxxxxxxxxxxxxxx」U還沒有完結話題的意思。我支支吾吾,咦咦哦哦一輪,終於獲得特赦︰「你話係咪激死?唉,唔同你講住啦,我重有大把嘢做。」

「好,慢行。」送走他之後,我望望鐘……唉,說好的20分鐘呢?甚麼「唔同你講住啦」?又不是我纏著搲水吹!不過U就這麼得意。

「德少,我唔明你點解要理佢囉。講嚟講去都係廢話。」同場的90後Q面上一堆問號,我彷彿遇見10多年前的自己。而我更無地自容,始終道行未夠。

當年,小弟初出茅廬,年少氣勢,不知哪裡來的傲氣,對於世情一味藐得就藐,懶理是同事、上司還是老闆,都一副「你咪唔好鍾意我囉」的模樣,以為做好工作,自然得到應得的。在那個年代,算是相當不知所謂。現在回想起來,那些「無好日子過」的日子真是「應得」的。

「其實我都唔係好明……不過瀨過好多次嘢,慢慢學識收起啲傲氣。無興趣還無興趣,但要保持尊重。」我望望Q,希望繼續塞點錢︰「好多時對話內容並唔重要,大概大部分人講大部分嘢都唔係啲咩真知灼見,重點係保持connected。」

Q毫不留情地藐了藐,以為我在教訓他也說不定。

要說的都說了,也算是得到應得的「報應」——U熱情地與我分享,我hea應;今次到我掏心掏肺跟Q分享,亦獲得應得的hea應。

何必介懷誰hea誰,誰又被誰hea?

延伸閱讀︰
- 侮辱性加薪

- 80後笑90後

- 假如沒有遇過x老細……

- 詛咒「射波」星期一

- 「被透明」的散水者

上載日期︰2014年3月17日


以上內容及資料僅屬個別作者的個人意見,並不代表www.CTgoodjobs.hk的立場。CTgoodjobs對因以上人士張貼之資訊內容所帶來之損失或損害概不負責。
Share


Free Subscription

Email