comScoreTag
FancyBox
FancyBox

After Work


After Work

像針與線、車與車輪、生命與麵包、工作與生活的關係相輔相成,缺一不可。生活中包含工作,而工作卻並非生活的全部。學習將時間留給生活,將生活留給自己。


咪就係犯賤,之嘛!

賈心潔

kind of freedom
善待自己,潔身自愛,無人可以待薄我們。

「發神經!」這是朋友W看完Whatsapp短訊的「讀後感」。我望著他,滿眼盡是「低B,你自己擺嚟嬲」的神情。我知道,他一定當我幸災樂禍。無錯,我的確是幸災樂禍。

愈不留情面地幸災樂禍,愈能彰顯友誼永固。

「成日問我做緊咩,我做緊咩關你咩事!」我不說話,W自動投案︰「有啲人好怪,成日鍾意管住人地做咩,有無咁得閒?!」

我忍不住駁嘴︰「係囉,有啲人真係好怪……」W流露出覓得知音的沾沾自喜,我更沾沾自喜︰「成日鍾意理埋啲怪人,人地問佢做咩,唔答咪得囉,自己囉嚟煩,畀我就mute咗佢……」在這個速食年代,只要不回應幾次,對家便急不及待「轉會」。因此,我肯定︰「係你自己攞嚟嘅。」

好多時、好多事,都是我們自己攞嚟的︰
- 我這麼愛你,為甚麼你不愛我?(人家不愛你,你還一味死纏,不是自己攞嚟,是甚麼?)
- 我份份工都咁辛苦。(是的,你愈覺得份份工都辛苦,份工咪愈辛苦囉。)
- 真係困局嚟,無得救架喇……(你自己走入困局,自虐性質享受飾演悲劇主角的「快感」,就祝你求仁得仁。)
- 啲人成日針對我,次次都啄住我同一樣嘢!(梗係啦,人地話極你都唔聽,咪話嚟話去都係同一樣嘢囉!)

的確,人生在世,無可奈何的事總是有的,叫做命運、叫做整定,叫做甚麼名目也沒所謂,反正慢慢會明白,有這樣的因,就有這樣的果。

「你當人地儍仔,一心收兵,咁先有得喺人地面前威威食雞,炫耀裙下之臣多不勝數。」我不同情那班「傻仔」,亦不會同情所謂女神的寂寞,更不會同情自己有這樣的朋友——是我自己攞嚟的,但絕不認為是犯賤,因為我看見他的好;相信他對我亦一樣。

犯賤,畢竟為著點點甜頭。

就這樣吧,說到底,誰都沒有同情誰的資格,畢竟沒有誰會比誰痛得輕省。分別只在於,有些人邊痛邊尋開心,有些卻一味的痛(世上極幸運的5%人士除外)。要人愛,先要愛人;要愛人,先要愛自己。善待自己,潔身自愛,無人可以待薄我們。

延伸閱讀︰
- 捽人者的真面目

- 當好人遇上人渣

- 【有無咁神?】辦公室風水10式

- 講真話咁蠢?

- 散水「戲」法

上載日期︰2016年6月13日


以上內容及資料僅屬個別作者的個人意見,並不代表www.CTgoodjobs.hk的立場。CTgoodjobs對因以上人士張貼之資訊內容所帶來之損失或損害概不負責。
Share


Free Subscription

Email