comScoreTag
FancyBox
FancyBox

After Work


After Work

像針與線、車與車輪、生命與麵包、工作與生活的關係相輔相成,缺一不可。生活中包含工作,而工作卻並非生活的全部。學習將時間留給生活,將生活留給自己。


如何跪求快樂?

賈心潔

happiness
要咁多錢嚟做咩?要身材咁好嚟做咩?嫌港鐵車廂唔夠逼?夠用咪得。

「如果唔係窮,我就跪求唔使返工,咁就肥仔咯!」朋友W誓神劈願要辭職,保守估計也劈了19個月。「就當你真係last day咗喇,想做咩呢?」我其實更想說窮都可以跪求,因為跪求廢過虛。「去搵份新工囉!」W理直氣壯。啤!

搞不懂W是暗啞底熱愛工作、發錢寒、物慾旺盛,還是沉溺於據為己有的感覺,但不得不承認,金錢有它的魔力。加拿大卑詩大學心理學教授鄧恩及美國哈佛大學商學院市場學教授諾頓,早前合著新書,以科學角度解釋金錢如何買到快樂,優化生活,而大前提是遵守以下五大原則︰
1/ 以金錢獲取經驗而非物質
2/ 切忌胡亂揮霍
3/ 用金錢換取時間
4/ 先付款後享受
5/ 投資在他人身上

根據以上原則,做無腳雀仔去流浪、食個靚飯、豪住酒店;讀書;數錢、儲錢;出錢請人幫我完成所有我不想或不懂做的事(換時間做想做的事);剪掉所有信用卡;和捐錢,可能都可以稱為「買」快樂。

重點是「快樂」吧!別本末倒置,金錢不過是獲取快樂的其中一個條件或手段。而金錢能否直接買到快樂呢?老舊的哲學問題噢︰有雞先還是有蛋先呢?神能否造一塊衪搬不動的石頭呢?中學生應否談戀愛呢?

不過可以肯定的是,快樂絕對不是跪求跪回來的;而「不快樂」亦肯定是「賣」不出去的。

「要咁多錢嚟做咩?要身材咁好嚟做咩?嫌港鐵車廂唔夠逼?夠用咪得。」自小立志從事與錢有仇的行業的我懶清高地說。W是那種連愛情都可以量化的人︰「幾多叫做『夠』?」「唔使憂柴憂米,買嘢唔使睇價錢牌咁卦。」我也不太能確定。

延伸閱讀︰
- 將辦公屎朱古力味化

- Lunch time是如何死去的?

- 10大廢到無倫廢話

- 10個一問就很豬的「點解」

- Happy Friday打破宿命8個驚喜

上載日期︰2013年7月26日


以上內容及資料僅屬個別作者的個人意見,並不代表www.CTgoodjobs.hk的立場。CTgoodjobs對因以上人士張貼之資訊內容所帶來之損失或損害概不負責。
Share


Free Subscription

Email