comScoreTag
FancyBox
FancyBox

Job Market Gossip


Job Market Gossip

論盡辦公室八卦,同一眾打工仔秒殺公司內人情世故、蜚短流長,做個稱職 career man / career woman。宗旨︰懂得做事,亦要懂得做人。


【實地直擊】21世紀Intern

董德少

Intern, 實習, 辦公室, 管理, 90後, 暑期

internship
到底身為管理心,可以如何將這有性格、夠guts,又具野心的一群,栽培成為能夠撐起半邊天的明日之星。

「點呀?習唔習慣?」公司最近來了幾名暑期實習生,青春迫人,讓人如沐春風。每次見到他們,都回想起讀書時代放小息的小幸福,我極度渴望闖進這個青春小圈子。「嘻嘻~」他們齋笑,你眼望我眼,心照不宣,不費吹灰之力就將我這阿叔拒於千里之外。

拳拳到肉的挫折感,讓自恃閱人無數、沒有人不能成為朋友的我深深陷進谷底。內心納悶,原來90後比老闆更神秘、更模棱兩可、更難以捕捉;同時,反而更激發起我的高度好奇。我撩鬼攞命再問︰「成日見你地圍埋一齊放小息,有咩可以八嚟聽下?呢度有檸檬茶。」我開始明白,輔導組老師有幾難做。「講男仔我都得架喎,包保第一身兼第一手。」從他們微微向上翹的嘴形,我獲得「呢度無你嘅事,跪安罷啦阿叔」的回應。

由於各實習生在這個叫「辦公室」的主題公園玩完一轉,臨尾每人將獲發一張叫做「證書」的紀念品,好讓他們有一個愉快旅程——而這份紀念品,由我安排。為了自己工作順利,並致力達至各同事及實習生合作無間的目標,我唯有向實習生的「師傅」們打聽他們的表現。

同事1︰「我驚驚呀德少,上次叫佢做少少嘢,佢同我講人權,鄭重聲明話無人可以剝奪佢6點收工嘅權利。」

同事2︰「唉……有次星期一交帶佢星期三lunch前交功課,我放心唔落,星期二提一提佢,點知佢竟然長篇大論話我對佢唔公平,已經星期二下晝,要星期三朝早交呢個要求太苛刻。」

同事3︰「好笑,你問起我先講,當做『粥of the day』。有個後生女眼紅紅走嚟話我畀啲濕碎嘢佢做,佢覺得好侮辱;又話佢嚟實習係要學啲實質嘢,唔係嚟做妹仔喎。」

同事4︰「唔敢打擾佢地開心樂園,成班人圍埋,開晒零食又玩埋facebook,係差在未開香檳,氣氛熱鬧過打邊爐,由佢地玩下囉,呢啲日子過2年就搵唔返喇。」

拍案叫絕!小弟不打算妄作任何評論,反正都是多餘的馬後豹。只是在想,到底身為管理人,可以如何將這有性格、夠guts,又具野心的一群,栽培成為能夠撐起半邊天的明日之星。

延伸閱讀︰
- 「扮辭職」的最後通牒

- 【清算】5大劈炮無品人辦

- 上位格?還是攝位賊?

- 辭職信,舉手不回

- 是非,是這樣講的

上載日期︰2014年7月28日


以上內容及資料僅屬個別作者的個人意見,並不代表www.CTgoodjobs.hk的立場。CTgoodjobs對因以上人士張貼之資訊內容所帶來之損失或損害概不負責。
Share


Free Subscription

Email