comScoreTag
FancyBox
FancyBox

After Work


After Work

像針與線、車與車輪、生命與麵包、工作與生活的關係相輔相成,缺一不可。生活中包含工作,而工作卻並非生活的全部。學習將時間留給生活,將生活留給自己。


愛我別留言

賈心潔

Swipe Tap Love

本故事純屬虛構,如有雷同,實屬必然。

叮咚︰「喂喂,有無睇?」女人早兩日戰戰兢兢給男人發無聊Whatsapp信息。「睇咩?」男人n年後才回覆。「過晒氣啦,唔講喇。」女人無癮結束話題。後來,見面時男人問起,女人才解釋那是說電視劇《愛我請留言》劇情。

「10世先覆,不如唔好覆啦!」 女人激動投訴劇中男角色的所作所為。

「佢一定會拎住部電話嘅?一定24小時standby等msg覆嘅?收到msg一定要即睇兼即覆嘅?」男人沒追看劇集,只是議事論事,所以自能抽離客觀。

「總之收到msg唔覆就好無品!」女人自知「理據」愈辯愈薄弱,明知拗不過就乾脆直接jump to conclusion。

「有緊要事,個女主角唔直接打電話?」男人沒好氣問。

女人望望男人,沒說話。怎麼說得出口呢,難道非要迫到她說「之唔係搵唔到緊要事講囉!」「就係驚你地啲人唔想接囉!」「點知你想唔想聽我電話喎……」「你估我唔想,唔敢咋!」不可?

很近,亦很遠。原來就是這個意思。

男人其實說得一點也沒錯。是的,就算明明real time讀到信息、同時在線、正游手好閒沒事幹,亦並非一定務必絕對不可以不覆。

那一刻,女人堅覺得自己好煩、超膠、極度不可理喻,所以不好意思再說下去,只低頭努力尋找另一個話題,企圖逃之夭夭。

又原來,話題跟錢一樣——愈搵愈窮。

「得喇得喇,下次我連沖涼都帶埋個電話去。有事無事,不如你都直接打畀我啦。同埋,唔好睇咁多膠劇喇!」男人走到女人耳邊輕輕說。

男人呀男人,你知道有個女人多在乎你嗎?

本故事純屬虛構,如有雷同,實屬必然。

延伸閱讀︰
- 咪「老點」我!

- 不如食自己

- 當老細「阿水」

- 咁做落去,慘過死

- 沒有星星的日子

上載日期︰2014年4月4日


以上內容及資料僅屬個別作者的個人意見,並不代表www.CTgoodjobs.hk的立場。CTgoodjobs對因以上人士張貼之資訊內容所帶來之損失或損害概不負責。
Share


Free Subscription

Email